مەملەكەت باسشىسى نان باعاسىن رەتتەۋدى تاپسىردى

كوكشەتاۋ. قازاقپارات - پرەزيدەنت نۇرسۇلتان نازاربايەۆ نان قۇنىن نارىق باعاسىنا ساي رەتتەۋدى ۇسىندى.

 «ءبىز نان مەن باعانىڭ قولايلى بولۋى ءۇشىن تۇتىنۋشىلاردى سۋبسيديالاۋىمىز قاجەت. قازىر ول قولايلى ەمەس. سوندا عانا سىزدەر اقشاعا قول جەتكىزەتىن بولاسىزدار»، - دەدى مەملەكەت باسشىسى اقمولا، قوستاناي جانە سولتۇستىك قازاقستان وبلىستارى اكىمدەرىنىڭ قاتىسۋىمەن وتكەن اۋىل شارۋاشىلىعى تاۋارلارىن وندىرۋشىلەرمەن وتكەن كەزدەسۋدە.

 «ودان دا ءبىزدىڭ ايلىعى تومەن ماماندارعا اقشا بەرىپ، كومەكتەسكەنىمىز دۇرىس. باتىستا وسىنداي جاعداي. ولاردى ەشكىم باقىلامايدى. نارىق ءوزى باعانى انىقتايدى. ال، ءبىز بولساق، كەڭەستىك كەزەڭدەگى ادەتتەن ارىلا الماي كەلەمىز. ءيا، ارينە، حالىقتىڭ تابىسىمەن ساناسۋعا تۋرا كەلەدى»، - دەدى مەملەكەت باسشىسى.

اۆتور: اسلان وسپانوۆ