ازيانىڭ تاعدىرى ازيادا شەشىلۋى ءتيىس - ن. نازاربايەۆ

بەيجىڭ. قازاقپارات - قىتاي كوممۋنيستىك پارتياسى ورتالىق كوميتەتى جانىنداعى پارتيا مەكتەبىنىڭ تىڭداۋشىلارى مەن پروفەسسورلىق- وقىتۋشىلىق قۇرام الدىندا ءسوز سويلەگەن ق ر پرەزيدەنتى نۇرسۇلتان نازاربايەۆ ازياداعى ءوزارا ءىس- قيمىل جانە سەنىم شارالارى جونىندەگى كەڭەستىڭ دامۋ مۇمكىندىكتەرى بويىنشا وي- پىكىرىمەن ءبولىستى.

 «ازياداعى ءوزارا ءىس- قيمىل جانە سەنىم شارالارى جونىندەگى كەڭەس باستاماسى كەڭ مويىندالدى. بۇل باستامانى 1992 -جىلى ب ۇ ۇ 47- باس اسسامبلەياسىندا مەنىڭ كوتەرگەنىم سىزدەرگە بەلگىلى. بۇل باستامانىڭ ومىرشەڭدىگى مەن قاجەتتىلىگىن ۋاقىت كورسەتتى. ازيادا جاڭا قاۋىپسىزدىك قۇرىلىسى بويىنشا قىتاي كوتەرىپ جۇرگەن ماسەلە وسى ا و س ش ك- ءنىڭ تالاپ- مىندەتتەرىنە ساي كەلەدى» ، - دەدى ەلباسى.

ق ر پرەزيدەنتىنىڭ ايتۋىنشا، ازيانىڭ 26 ەلى اراسىنداعى ىنتىماقتاستىق بويىنشا ديالوگتىڭ تىرەگىنە اينالعان فورۋم ازيا قۇرلىعىنىڭ مۇددەسىنە قىزمەت ەتەتىن مۇمكىندىككە يە.