بەسىنشى سايلانعان ق ر پارلامەنتىنىڭ بەسىنشى سەسسياسى ءوز جۇمىسىن باستادى - فوتو

 استانا. قازاقپارات - بۇگىن ق ر پارلامەنتى پالاتالارىنىڭ بىرلەسكەن وتىرىسى ءوتىپ، بەسىنشى سايلانعان ق ر پارلامەنتىنىڭ بەسىنشى سەسسياسى ءوز جۇمىسىن باستادى.
None
None

 «بۇگىنگى ءبىزدىڭ بىرلەسكەن وتىرىسىمىزعا رەسپۋبليكامىزدىڭ پرەمەر- ءمينيسترى، مەملەكەتتىك حاتشىسى، پرەزيدەنت اكىمشىلىگىنىڭ باسشىسى، كونستيتۋتسيالىق كەڭەستىڭ، جوعارعى سوتتىڭ جانە ورتالىق سايلاۋ كوميسسياسىنىڭ ءتوراعالارى،

ۇكىمەت مۇشەلەرى، قازاقستان پرەزيدەنتىنە تىكەلەي باعىناتىن جانە ەسەپ بەرەتىن مەملەكەتتىك ورگانداردىڭ باسشىلارى، پرەزيدەنت اكىمشىلىگىنىڭ، پرەمەر- ءمينيستردىڭ كەڭسەسىنىڭ، پارلامەنت پالاتارى اپپاراتتارىنىڭ جاۋاپتى قىزمەتكەرلەرى جانە ب ا ق وكىلدەرى قاتىسىپ وتىر. بۇگىنگى ءبىزدىڭ وتىرىسىمىزدىڭ كۇن تارتىبىندە ءبىر عانا ماسەلە بار. ول «بەسىنشى سايلانعان ق ر پارلامەنتىنىڭ بەسىنشى سەسسياسىنىڭ اشىلۋى تۋرالى»، - دەدى ءماجىلىس ءتوراعاسى قابيبوللا جاقىپوۆ.

سەسسيانىڭ اشىلۋىنا سەناتتىڭ 47 دەپۋتاتىنان 44 ءى ، ماجىلىستەن 107 دەپۋتاتتىڭ 104 ءى قاتىستى.

«وزدەرىڭىز بىلەسىزدەر، ەلباسىمىز نۇرسۇلتان ءابىش ۇلى نازاربايەۆ مەملەكەتتىك ساپارمەن قىتاي حالىق رەسپۋبليكاسىندا ءجۇر. وسىعان بايلانىستى «ق ر پارلامەنتى جانە ونىڭ دەپۋتاتتارىنىڭ مارتەبەسى تۋرالى» كونستيتۋتسيالىق زاڭىنىڭ التىنشى بابىنىڭ بەسىنشى تارماعىنا سايكەس، ماعان پارلامەنت ءماجىلىسىنىڭ ءتوراعاسى رەتىندە قازاقستان رەسپۋبليكاسى پرەزيدەنتىنىڭ بەرگەن تاپسىرماسى بويىنشا بەسىنشى سايلانعان ق ر پارلامەنتىنىڭ بەسىنشى سەسسياسىن اشىق دەپ جاريالاۋعا رۇقسات ەتىڭىزدەر»، - دەدى ق. جاقىپوۆ.


null null null null null null null 

سوڭعى جاڭالىقتار