كونستيتۋتسيا - ەلدىگىمىزدىڭ كيەلى كىتابىنا اينالعان قاستەرلى قۇجات، تۇراقتىلىق پەن تاتۋلىقتىڭ تۇعىرى - ق ر پرەزيدەنتى

استانا. قازاقپارات - كونستيتۋتسيا - ەلدىگىمىزدىڭ كيەلى كىتابىنا اينالعان قاستەرلى قۇجات، تۇراقتىلىق پەن تاتۋلىقتىڭ تۇعىرى.
None
None

بۇگىن ق ر كونستيتۋتسياسىنىڭ 20  جىلدىق مەرەيتويىنا ارنالعان عىلىمي- تاجىريبەلىك كونفەرەنتسيا بارىسىندا ەلباسى نۇرسۇلتان نازاربايەۆ وسىلاي دەدى.

 «كونستيتۋتسيا ءبىزدىڭ بارشا تابىستارىمىزدىڭ باستاۋى. ەلدىگىمىزدىڭ كيەلى كىتابىنا اينالعان قاستەرلى قۇجات، تۇراقتىلىق پەن تاتۋلىقتىڭ تۇعىرى. وسى 20  جىلدىڭ ىشىندە قازاقستان ۇلكەن جەتىستىكتەرگە جەتتى. كەڭەس وداعى كۇيرەپ، ۇلكەن داعدارىسقا ۇشىراعان كەزدە، ەلىمىزدى ارى قاراي جەتەلەيتىن ەشقانداي زاڭ جوق كەزدە، بۇرىنعى ەكونوميكادان جاڭا نارىق ەكونوميكاسىن كوشۋگە جاعداي جوق كەزدە وسى كونستيتۋتسيانى قابىلداپ، 20 جىلدىڭ ىشىندە ۇلى تابىستارعا يە بولدىق» ، - دەدى ق ر پرەزيدەنتى.

ەلباسى ءوز سوزىندە وسى ۋاقىت ارالىعىندا قازاقستاننىڭ ەكونوميكاسى 20 ەسە، حالىقتىڭ ءال- اۋقاتى دا سونشا ەسە وسكەنىن اتاپ ءوتتى.

«قازاقستان دۇنيەجۇزىنە بەلگىلى ەل، حالىق بولدى. ءبىزدى سىيلايدى، قولدايدى. ءبىز دۇنيەجۇزىندەگى ۇلكەن يادرولىق پوليگوندى جاپقان تۇڭعىش ەلمىز. ءبىز ءوز ەركىمىزبەن يادرولىق قارۋ- جاراقتان ايىرىلدىق. سوندىقتان قازاقستاندى بۇكىل دۇنيەجۇزىندەگى بەيبىتشىلىككە باستايتىن ەلدىڭ ءبىرى رەتىندە بۇكىل الەم سىيلايدى، قۇرمەتتەيدى. سونىڭ ارقاسىندا ءبىز جەدەل رەفورمالار جۇرگىزدىك» ، - دەدى ن. نازاربايەۆ.

مەملەكەت باسشىسى ءوز سوزىندە ەلىمىزگە 200 ميلليرد دوللاردان استام ينۆەستيتسيا تارتىلعانىن دا باسا ايتتى.

 «بۇگىن قازاقستان كەڭەس وداعىنان كەيىنگى ەلدەردىڭ اراسىندا ەكونوميكا، رەفورما، ءوزىنىڭ دۇنيەدەگى ورنى، دەڭگەيى جاعىنان دا الدىڭعى قاتارلى مەملەكەت بولىپ سانالادى. سوندىقتان وسىنىڭ بارلىعى كونستيتۋتسيامىزدىڭ ارقاسىندا زاڭمەن شەشىلگەن ماسەلە. قۇتتى بولسىن دەيمىن» ، - دەدى ەلباسى.

 

 اۆتور: مارلان جيەمباي

سوڭعى جاڭالىقتار