ورتالىق سايلاۋ كوميسسياسى ر. تۇسىپبەكوۆ پەن ق. ساۋدابايەۆتى سەنات جانە ءماجىلىس دەپۋتاتتارى ەتىپ تىركەدى

استانا. قازاقپارات - ورتالىق سايلاۋ كوميسسياسى راشيد تولەۋتاي ۇلى تۇسىپبەكوۆتى قازاقستان رەسپۋبليكاسى پارلامەنتى سەناتىنىڭ دەپۋتاتى جانە قانات بەكمىرزا ۇلى ساۋدابايەۆتى قازاقستان رەسپۋبليكاسى پارلامەنتى ءماجىلىسىنىڭ دەپۋتاتى ەتىپ تىركەلدى، دەپ حابارلادى ق ر و س ك باسپا ءسوز قىزمەتى.

26 -تامىزدا «قازاقستان رەسپۋبليكاسىنىڭ پارلامەنتى جانە ونىڭ دەپۋتاتتارىنىڭ مارتەبەسى تۋرالى» قازاقستان رەسپۋبليكاسى كونستيتۋتسيالىق زاڭىنىڭ جانە قازاقستان رەسپۋبليكاسى پرەزيدەنتىنىڭ 2015 -جىلعى 26 -تامىزداعى جارلىعىنا سايكەس ورتالىق سايلاۋ كوميسسياسى راشيد تولەۋتاي ۇلى تۇسىپبەكوۆتى قازاقستان رەسپۋبليكاسى پارلامەنتى سەناتىنىڭ دەپۋتاتى رەتىندە تىركەدى.

سونداي- اق «قازاقستان رەسپۋبليكاسىنداعى سايلاۋ تۋرالى» قازاقستان رەسپۋبليكاسىنىڭ كونستيتۋتسيالىق زاڭىنىڭ 12-، 45-، 46-باپتارىنا، 97-1 بابىنىڭ 5-، 6-تارماقتارىنا جانە 98-بابىنا سايكەس ورتسايلاۋكوم «نۇر وتان» پارتياسى جەتەكشى باسشى ورگانىنىڭ ۇسىنۋى بويىنشا قازاقستان رەسپۋبليكاسى پارلامەنتى ءماجىلىسى دەپۋتاتىنىڭ بوساعان مانداتىن «نۇر وتان» پارتياسى» قوعامدىق بىرلەستىگىنىڭ مۇشەسى قانات بەكمىرزا ۇلى ساۋدابايەۆقا بەرۋ تۋرالى قاۋلى قابىلدادى.

قازاقستان رەسپۋبليكاسى ورتالىق سايلاۋ كوميسسياسىنىڭ ءتوراعاسى ق. ت. تۇرعانقۇلوۆ تىركەلگەن دەپۋتاتتارعا بەلگىلەنگەن ۇلگىدەگى ءتيىستى كۋالىكتەر مەن ومىراۋعا تاعاتىن بەلگىلەردى تاپسىردى.