دۇنيەجۇزىلىك داعدارىستان ەشكىم دە تىس قالمايدى - ەلباسى

«سوڭعى جىلى الەمدىك ەكونوميكالىق احۋال ەداۋىر تومەندەدى. بارشا دۇنيەجۇزىندە ەكونوميكانىڭ ناشارلاعانى بارىمىزگە كورىنىپ وتىر. داعدارىس بارلىق باعىتتا، ياعني شيكىزاتت تاۋارلارىنا، ۆاليۋتا، قارجى نارىقتارىنا اسەر ەتۋدە. بۇل دامۋشى جانە دامىعان مەملەكەتتەردە ورىن الىپ وتىرعان جاعداي. شيكىزات تاۋارلارىنا باعا بارشا الەمدە تومەندەدى، سوندىقتان ءبىزدىڭ بيۋدجەتكە تۇسەتىن قارجىنىڭ اۋقىمى ەدەۋىر تومەن بولدى.
ءبىز بۇرىن مۇنداي جاعدايلاردىڭ تالايىنان ءوتىپ كەلە جاتىرمىز. كەڭەس وداعى قۇلاعاننان كەزدەگى جىلىنا ەكى مىڭ پايىز ينفلياتسيادان وتكەنىمىز ەستەرىڭىزدە بولار. بارلىق زاۋىتتار مەن فابريكالاردىڭ توقتاپ، ەكى ميلليون ادامنىڭ جۇمىسسىز قالعانى، زەينەتاقى مەن جالاقى تولەي الماي قالعانىمىز بەلگىلى. بۇل وتە قيىن- قىستاۋ زامان بولاتىن»، - دەپ ەسكە سالىپ ءوتتى پرەزيدەنت.
وسى ورايدا ەلباسى ودان بەرى ءبىرقاتار داعدارىستار ورىن العانىن، الايدا قازاقستان وسى سىن- قاتەرلەردىڭ بارلىعىن ەڭسەرگەنىن اتاپ ءوتتى.
«قانشا باعدارلامالار جاساساق تا، ءومىر مەن جاعداي الدىمىزدان قيىنشىلىقتاردى الىپ كەلەدى. قازىر دە وسىداي قيىنشىلىققا تاقاپ تۇرمىز. بۇل دۇنيەجۇزىلىك داعدارىستان ەشكىم دە تىس قالمايدى. قازاقستان الەم مەملەكەتتەرىمەن، ەكونوميكالارمەن بايلانىسى بار ەل. سوندىقتان بۇل داعدارىسقا الدىن الا بارلىق جاعىنان دايىندالىپ، ەڭسەرۋىمىز كەرەك. وسى ماسەلەنى ءتۇسىندىرۋ ءۇشىن جينالىپ وتىرمىز»، - دەدى مەملەكەت باسشىسى.
اۆتور: رۋسلان عابباسوۆ