الماتىنىڭ جاڭا اكىمى مەملەكەتتىك ورگاندارعا عيماراتتارىن كىشىرەيتۋدى ۇسىندى

بۇل تۋرالى الماتى ىشكى ساياسات باسقارماسىنىڭ جەتەكشىسى سانجار بوقايەۆ جازدى.
«اكىم باۋىرجان بايبەكتىڭ قابىلداۋىندا بولدىم. جينالىس بارىسىندا ناۋرىزباي اۋدانىنداعى جاعدايدى تالقىلادىق، سونىمەن قاتار جەرگىلىكتى اتقارۋشى ورگانداردىڭ دا عيماراتتارى ءسوز بولدى. ونىڭ قۇرىلىسقا كەتەتىن شىعىندى ازايتۋ جوسپارى ۇنادى. اۋدان اكىمدىكتەرى مەن باسقا دا مەملەكەتتىك ورگاندارعا قىمبات تۇراتىن مۇنداي ۇلكەن عيماراتتاردىڭ نە كەرەگى بار؟ ولاردىڭ اۋداندارىن كىشىرەيتىپ، قالعان جەرلەرگە الەۋمەتتىك ماڭىزى بار نىساندار - مەكتەپ، اۋرۋحانا سالىناتىن بولىپ شەشىلدى. مەنىڭشە، ءبىز دۇرىس جولدا كەلە جاتىرمىز»، - دەدى بوقايەۆ Facebook پاراقشاسىندا.
ول مۇنىڭ ناۋرىزباي باتىر اۋدانىنا قاتىستى ەكەنىن، دەگەنمەن الدا باسقا دا اۋدانداردا قولدانىلاتىنىن ايتتى.
ەسكە سالا كەتەيىك، باۋىرجان بايبەك 9- تامىزدا الماتى اكىمى بولىپ تاعايىندالدى.