چ. وساكۆە: قازاقستاننىڭ د س ۇ- عا كىرۋى ەلدە اۋقىمدى رەفورمالاردى جۇزەگە اسىرۋعا جول اشادى

جەنەۆا. قازاقپارات - قازاقستاننىڭ دۇنيەجۇزىلىك ساۋدا ۇيىمىنا كىرۋى ەلدە اۋقىمدى رەفورمالاردى جۇزەگە اسىرۋعا جول اشادى.

بۇل تۋرالى بۇگىن قازاقستاندىق ب ا ق وكىلدەرىنە شاعىن سۇحبات بەرگەن دۇنيەجۇزىلىك ساۋدا ۇيىمى مۇشەلىككە قابىلداۋ جونىندەگى دەپارتامەنتىنىڭ ديرەكتورى چيدۋ وساكۆە ايتتى.

«بۇگىن - قازاقستان ءۇشىن بارىنشا ماڭىزدى كۇن. سىزدەردىڭ پرەزيدەنتتەرىڭىز ءۇشىن دە ايرىقشا ءسات دەسەك بولادى. قازاقستاننىڭ د س ۇ- عا قابىلدانۋ بارىسىندا بارىنشا بايىپتى شەشىمدەر قابىلداندى. بۇل سىزدەردىڭ ەلدەرىڭىزدىڭ اۋقىمدى رەفورمالار جاساۋىنا جول اشادى ءارى ەكونوميكالارىڭىزدى جاقسارتا تۇسەدى»، - دەدى ول.

ونىڭ اتاپ وتۋىنشە، قازاقستاننىڭ اتالعان ۇيىمعا كىرۋى بارىسىندا ەلباسى نۇرسۇلتان نازاربايەۆ تاراپىنان وتە جوعارى دەڭگەيدەگى جۇمىستار اتقارىلدى.

«سىزدەردىڭ ەلدەرىڭىز، پرەزيدەنتتەرىڭىز كەلىسسوزدەر بارىسىندا جوعارى دەڭگەيدەگى كورەگەندىگىن كورسەتىپ، بارىنشا يكەمدى ساياسات ۇستانا ءبىلدى. 1995- جانە 2015 جىلدارى ارالىعىندا د س ۇ- عا 33 ەل قابىلداندى. ال قازاقستان وسىناۋ 20 جىلدىق كەزەڭدەگى 34- ەل بولماق»، - دەدى چ. وساكۆە.

سونىمەن قاتار ول ۇيىمعا كىرۋ قيىن ەكەندىگىن، ويتكەنى، ەلدە كوپتەگەن رەفورمالار جۇرگىزىلىپ، زاڭداردىڭ وزگەرىسكە ءتۇسۋى، تاريفتەردىڭ قىسقارتىلۋى، ىشكى ەلدىك ستاندارتتار حالىقارالىق دەڭگەيمەن تەڭەستىرىلۋى قاجەتتىگىن باسا ايتتى.

«د س ۇ- عا كىرەتىن ءاربىر ەل جاھاندىق ەكونوميكاعا قوسىلاتىن بولادى»، - دەپ تۇيىندەدى ءسوزىن دەپارتامەنت باسشىسى.

 ايتا كەتەيىك، بۇگىن جەنيەۆادا قازاقستاننىڭ د س ۇ- عا كىرۋىنە وراي رەسمي شارا وتەدى. وعان قازاقستان پرەزيدەنتى نۇرسۇلتان نازاربايەۆ قاتىسادى.

 اۆتور: مارلان جيەمباي