استانادا «بولاشاق» ستيپەندياسى تۇلەكتەرى ءۇشىن بوس جۇمىس ورىندارى جارمەڭكەسى وتەدى
قازاقستان رەسپۋبليكاسى پرەزيدەنتىنىڭ «بولاشاق» حالىقارالىق ستيپەندياسى تۇلەكتەرىن جۇمىسقا ورنالاستىرۋعا ىقپال جاساۋ بويىنشا ءىس-شارانىڭ ۇيىمداستىرۋشىلارى ءبىلىم جانە عىلىم مينيسترلىگى مەن «حالىقارالىق باعدارلامالار ورتالىعى» ا ق بولىپ تابىلادى، دەپ حابارلانعان ورتالىق سايتىندا.
جارمەڭكە باعدارلاماسىندا جۇمىس بەرۋشىلەردىڭ تانىستىرۋلارى، تەستىلەۋلەر، كاسىبي سۇحبات جانە networking-كومپانيالاردىڭ توپ-مەنەدجمەنتىن «بولاشاق» حالىقارالىق ستيپەندياسى تۇلەكتەرىمەن بەيرەسمي تانىستىرۋ قامتىلماق.
Bolashak Job Fair جۇمىسى شەڭبەرىندە Networkingsession وتكىزۋ كوزدەلگەن، وندا جارمەڭكە قاتىسۋشىلارىمەن س. تورايعىروۆ اتىنداعى پاۆلودار مەملەكەتتىك ۋنيۆەرسيتەتىنىڭ رەكتورى، «بولاشاق» باعدارلاماسىنىڭ تۇلەگى ارىن ورساريەۆ كەزدەسىپ، ءوزىنىڭ تابىسقا جەتۋ تاريحىمەن بولىسەدى. «ماڭگىلىك ەل» ۇلتتىق يدەياسىنىڭ نەگىزگى باسىمدىلىقتارىن ىسكە اسىرۋداعى ءوز ۇلەستەرى جايلى قاتىسۋشىلار قازاقستان رەسپۋبليكاسى مادەنيەت جانە سپورت مينيسترلىگى تىلدەردى دامىتۋ جانە قوعامدىق-ساياسي جۇمىستار كوميتەتىنىڭ ءتوراعاسى، «بولاشاق» باعدارلاماسىنىڭ تۇلەگى دانيار تاۋمۇراتپەن تالقىلايدى.
جالپى العاندا، Bolashak Job Fair-2015 كاسىپتىك جارمەڭكەسى ەڭبەك نارىعىنىڭ الەۋەتىمەن تانىسىپ، ءوزىنىڭ كاسىبي دەڭگەيىن باعالاعىسى كەلەتىندەر ءۇشىن مۇمكىندىك بەرەتىن بىرەگەي ينتەراكتيۆتىك الاڭ بولىپ وتىر. جارمەڭكەگە «بولاشاق» باعدارلاماسىنىڭ 500 دەن اسا تۇلەگى مەن مەملەكەتتىك جانە جەكە مەكەمەلەردەن جانە حالىقارالىق ۇيىمدار مەن ۇلتتىق كومپانيالاردان 50 جۇمىس بەرۋشى قاتىسادى دەپ كۇتىلۋدە.
بوس جۇمىس ورىندارىنىڭ جارمەڭكەسىنە مىنا سىلتەمە بويىنشا تىركەلۋگە بولادى:
