ق ر پرەزيدەنتى بريكس جانە ش ى ۇ ەلدەرىن كولىكتىك- ترانزيتتىك كووپەراتسيانى كەڭەيتۋگە شاقىردى
«جاڭا قازاقستاندىق «نۇرلى جول» باعدارلاماسى اۋقىمىندا جىبەك جولى ەكونوميكالىق باعدارلاماسىنا قوسىمشا رەتىندە ءبىرىڭعاي كولىكتىك- لوگيستيكالىق كەڭىستىكتى دامىتۋ جانە جاڭعىرتۋ جونىندە بەلسەندى شارالار قولعا الىنۋدا»، - دەدى ن. نازاربايەۆ بريكس مەملەكەتتەرى باسشىلارىنىڭ شاقىرىلعان ەلدەر (ش ى ۇ، ە ا ە و) كوشباسشىلارىمەن ۋفادا وتكەن كەزدەسۋى بارىسىندا.
مەملەكەت باسشىسى ورتالىق ازيانى الەمدىك كوممۋنيكاتسيالىق جۇيەنىڭ وزەكتى بۋىنىنا اينالدىرۋ ءبىزدىڭ ەلىمىز ايماعىندا «باتىس ەۋروپا - باتىس قىتاي» اۆتوماگيسترالى ۋچاسكەسىن، سونداي- اق قىتاي مەن كاسپيي تەڭىزىن جالعاستىراتىن تەمىر جولدى، قازاقستان- تۇركىمەنستان- يران- پارسى شىعاناعى تەمىرجول ءدالىزىن سالۋعا جاردەمدەسەدى، دەپ اتاپ ءوتتى.
«بۇل كولىك كۇرەجولدارى ءوزارا ازيا، ەۋروپا، كاۆكاز جانە تاياۋ شىعىس ەلدەرىن جالعاستىرۋعا ءتيىس. سارى تەڭىزدە ليانيۋنگان پورتىندا قازاقستاندىق تەرمينال اشىلۋىن ماڭىزدى جەتىستىك دەپ سانايمىز. ول ىسكە قوسىلعاننان كەيىن ازيا- تىنىق مۇحيت ايماعى مەن قازاقستان اراسىنداعى جۇك اعىنىنىڭ كولەمىن 80 پايىز ارتتىرۋعا قول جەتكىزىلدى»، - دەدى ن. نازاربايەۆ.
