مەملەكەتتىك قىزمەتشىلەر ءۇش ءتىلدى ەركىن مەڭگەرۋى ءتيىس - ش. ەسىموۆا
«مەملەكەتتىڭ، ق ر پرەزيدەنتىنىڭ ساياساتى جانە قولدانىستاعى ۇشتىلدىلىك باعدارلاماسى قازىردىڭ وزىندە مەملەكەتتىك قىزمەتشىگە تولىققاندى ءۇش ءتىلدى جەتىك مەڭگەرۋىنە مۇمكىندىك بەرەدى»، - دەدى ش. ەسىموۆا ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە وتكەن بريفينگتە.
سونىمەن قاتار ول قازىرگى ۋاقىتتا مەملەكەتتىك ورگانداردا قىزمەت ەتەتىن شەتەلدە ءبىلىم العان ازاماتتاردىڭ قاتارى كوپ ەكەندىگىن اتاپ ءوتتى.
«ءبىز مينيسترلىكتەردە «بولاشاق» باعدارلاماسىمەن نەمەسە باسقا دا ءبىلىم بەرۋ باعدارلامالارى ارقىلى شەتەلدە ءبىلىم العانداردىڭ قاتارى كوپ ەكەندىگىن بىلەمىز. ولاردىڭ ءبىرقاتارى مەملەكەتتىك قىزمەتتە جۇمىس ىستەۋدە. بىزدەر كوپتەگەن شەتەلدىك ساپارلارىمىزدى اۋدارماشىلاردىڭ كومەگىنسىز جۇزەگە اسىراتىندىعىمىز قۋانتادى»، - دەدى ول.
ونىڭ اتاپ وتۋىنشە، مەملەكەتتىك قىزمەتشىنىڭ ءۇش ءتىلدى ەركىن مەڭگەرۋى جۇمىستى جاقسارتىپ، ۋاقىتتى ۇنەمدەۋگە سەپتىگىن تيگىزەدى.
«ياعني، ءبىز اۋدارماعا ۋاقىت جوعالتپايمىز. بۇل وتە جاقسى ءۇردىس جانە ءبىز وسى جولمەن العا قاراي ىلگەرىلەي بەرۋىمىز قاجەت دەپ سانايمىن. ماسەلەن، ەۋروپالىق وداق مەنەدجەرى ءۇش ءتىلدى بىلۋگە مىندەتتى. تەك سوندا عانا ول مەملەكەتتىك قىزمەتتە جۇمىس ىستەي الادى»، - دەدى ول.
اۆتور: مارلان جيەمباي
