م. راحوي: قازاقستان مەن يسپانيا دوستىق قاتىناستارىن نىعايتا بەرەتىنىنە سەنىمدىمىن
استانا. قازاقپارات - مەملەكەت باسشىسى نۇرسۇلتان نازاربايەۆتىڭ اتىنا تۋعان كۇنىنە وراي يسپانيا كورولى VI فەليپە مەن يسپانيا ۇكىمەتىنىڭ ءتوراعاسى ماريانو راحويدان قۇتتىقتاۋلار كەلىپ ءتۇستى.
بۇل تۋرالى اقوردانىڭ باسپا ءسوز قىزمەتىنەن حابارلادى.
يسپانيا كورولى VI فەليپە نۇرسۇلتان نازاربايەۆتى تۋعان كۇنىمەن شىن جۇرەكتەن قۇتتىقتادى. ول سونداي- اق ەكى ەلدىڭ ساياسي، ەكونوميكالىق جانە مادەني بايلانىستارى وڭ ۇردىستە دامىپ كەلە جاتقانىنا نازار اۋداردى.
جەدەلحاتتا قازاقستان مەن يسپانيا اراسىنداعى قارىم- قاتىناستاردىڭ دوستىق سيپاتتا ەكەنى دە اتاپ وتىلگەن.
سوڭىندا VI فەليپە قازاقستان حالقىنا تاتۋلىق پەن باق- بەرەكە تىلەدى.
***
م. راحوي ءوز قۇتتىقتاۋىندا قازاقستان مەن يسپانيا ەكى ەلدى ۇزاق ۋاقىتتان بەرى بايلانىستىرىپ كەلە جاتقان دوستىق قاتىناستاردى الداعى ۋاقىتتا دا نىعايتا بەرەتىنىنە سەنىم ءبىلدىردى.
يسپانيا ۇكىمەتىنىڭ ءتوراعاسى نۇرسۇلتان نازاربايەۆقا باق-بەرەكە تىلەدى.
