قوستاناي وبلىسىندا جاڭا ءسۇت زاۋىتى ىسكە قوسىلدى
اتاپ ايتقاندا، «ليدەر-2010» سەرىكتەستىگى رۋدنىي قالاسىندا جىلىنا 6 ميلليون 820 توننا ءسۇت پەن اشىتىلعان ءسۇت ونىمدەرىن شىعاراتىن جاڭا سەحتى ىسكە قوستى. مۇندا ءونىم قۇرامى جوعارى ساپالى شيكىزاتپەن بايىتىلىپ، ءداستۇرلى ادىسپەن پاستەرلەنەدى. ساقتاۋ مەرزىمى 5 كۇننەن 21 كۇنگە دەيىن ۇزارتىلىپ، قولايلى پەت ىدىستارعا قۇيىلادى. ەۋروپالىق تالاپقا ساي جەلى يندۋستريالاندىرۋ كارتاسى بويىنشا شەتەلدەن اكەلىنىپ، وتاندىق ماماندار ارنايى دايارلاندى.
«ءبىز ءۇش جىل بۇرىن باستاۋ العان ءسۇت- تاۋارلى ءوندىرىسىمىزدى دامىتۋدى جالعاستىرۋدامىز. وسى ورايدا كۇن سايىن 20 تونناعا دەيىن ءسۇت وندىرۋدەمىز. ءسىزدىڭ تاپسىرماڭىزعا سايكەس، ءسۇتتى قايتا وڭدەۋ جانە ونىمدەردى ءوندىرۋدىڭ كلاستەرىن قۇرۋدامىز. الەمدىك ستاندارت بويىنشا جاڭا ءسۇت زاۋىتىن سالدىق. ونىڭ قۋاتتىلىعى جىلىنا 7 مىڭ توننانى قۇرايدى. ءبىز ونىمدە قازاقستاننىڭ بارشا وڭىرىنە جانە رەسەيدىڭ 30 قالاسىنا جەتكىزۋدەمىز» ، - دەدى «ليدەر-2010» ج ش س باس ديرەكتورى ۆلاديمير شيريايەۆ.
اۆتور: رۋسلان عابباسوۆ
