ق ر پرەزيدەنتى بيىلعى كۇزدە رەسمي ساپارمەن كۋباعا بارادى
استانا. قازاقپارات - ق ر سىرتقى ىستەر ءمينيسترى ەرلان ىدىرىسوۆ كۋبا ەلىنىڭ سىرتقى ىستەر ءمينيسترىنىڭ ورىنباسارى روحەليو سيەررا دياسپەن كەلىسسوزدەر جۇرگىزدى، دەپ حابارلايدى ق ر س ءى م باسپا ءسوز قىزمەتىنەن.
كەزدەسۋ بارىسىندا تاراپتار ەكىجاقتى ىنتىماقتاستىقتىڭ اعىمداعى جاعدايى مەن ونى ودان ءارى دامىتۋ بولاشاعىن، سونداي-اق بيىلعى جىلدىڭ كۇزىنە جوسپارلانعان قازاقستان پرەزيدەنتى نۇرسۇلتان نازاربايەۆتىڭ كۋبا رەسپۋبليكاسىنا رەسمي ساپارىنا دايىندىق ماسەلەلەرىن تالقىلادى.
ە. ىدىرىسوۆ قازاقستان مەن كۋبانىڭ حالىقارالىق ۇيىمداردىڭ اياسىندا ءبىر-ءبىرىنىڭ باستامالارىنا ءداستۇرلى تۇردە ءوزارا قولداۋ تانىتىپ وتىرعانىن اتاپ ءوتتى.
«بىرلەسكەن تىعىز ءوزارا ىقپالداستىقتىڭ ناتيجەسىندە كۋبا قازاقستان كانديداتۋراسىنىڭ 2017-2018-جىلدارى ب ۇ ۇ قاۋىپسىزدىك كەڭەسىنە تۇراقتى مۇشەلىگى، ال قازاقستان - كۋبانىڭ 2017-2019-جىلدارى ب ۇ ۇ- نىڭ ادام قۇقىقتارى جونىندەگى كەڭەسىنە قايتا سايلانۋ وتىنىمىنە قولداۋ بىلدىرەدى»، - دەپ اتاپ ءوتتى مينيستر.
تاراپتار سونداي-اق ءبىلىم، دەنساۋلىق ساقتاۋ جانە پارلامەنتارالىق ديالوگ سالاسىنداعى ىنتىماقتاستىقتى دامىتۋ تۋرالى پىكىرلەر الماسىپ، ولاردى قازاقستاندىق-كۋبالىق ءوزارا ارەكەتتەستىكتىڭ ەڭ الەۋەتتى باعىتتارى دەپ اتاپ ءوتتى.
كەزدەسۋ سوڭىندا قازاقستاندىق سىرتقى ساياسي ۆەدومستۆوسىنىڭ باسشىسى كۋبالىق تاراپقا ەكسپو-2017 كورمەسىن وتكىزۋ قۇقىعىن الۋ ءۇشىن استانا كانديداتۋراسىنا داۋىس بەرگەنى جانە ونىڭ جۇمىسىنا بەلسەندى قاتىسۋ شەشىمى ءۇشىن العىسىن ءبىلدىرىپ ءوتتى.
«ءبىزدىڭ ويىمىزشا، بۇل كورمەنىڭ تابىستى وتۋىنە ەلەۋلى ۇلەسىن قوسىپ، جاڭعىرتىلاتىن ەنەرگيا كوزدەرى جانە جاسىل تەحنولوگيالاردى دامىتۋ سالاسىندا قازاقستاندىق-كۋبالىق بايلانىستاردىڭ كەڭەيۋىنە سەپتىگىن تيگىزەدى»، - دەپ تۇيىندەدى مينيستر.
