استانادا نۇرسۇلتان نازاربايەۆ تۋرالى جاڭا كىتاپتىڭ تۇساۋكەسەرى وتەدى
بۇل تۋرالى بۇگىن «ق ر پرەزيدەنتى ن. نازاربايەۆتىڭ بەيبىت باستامالارى» سەمينارىندا ق ر سىرتقى ىستەر ءمينيسترىنىڭ ورىنباسارى اسقار مۋسينوۆ ءمالىم ەتتى.
ا. مۋسينوۆ «بىتىمگەر» («ميروتۆورەتس») كىتابىندا ەۋرازيالىق كەڭىستىكتەگى جاڭا تاريحتىڭ بەيمالىم تۇستارى مەن ەلباسىنىڭ بىتىمگە كەلتىرۋشى رەتىندەگى ءرولى تۋرالى جازىلعانىن ايتتى.
شارا بارىسىندا ا. مۋسينوۆ پرەزيدەنتتىڭ 1992-جىلى ا و س ش ك قۇرۋ، سەمەيدەگى يادرولىق پوليگوندى جابۋ، يادرولىق قارۋدان باس تارتۋ، «اتوم» جوباسىن قوسۋ باستامالارىن اتاپ ءوتتى.
ەسكە سالا كەتەيىك، بۇگىن استانادا «ق ر پرەزيدەنتى ن. نازاربايەۆتىڭ بەيبىت باستامالارى» سەمينارى ءوتىپ جاتىر. شارانى «جىبەك جولى» الەمدىك سىيلىق قورى، قازاقستانداعى ق ح ر ەلشىلىگى جانە «بەيبىتشىلىك ءۇشىن» حالىقارالىق سۋرەتشىلەر وداعى ۇيىمداستىردى.
شارانىڭ باستى مىندەتى - ن. نازاربايەۆتىڭ بەيبىت باستامالارىن زەرتتەۋ، ورتالىق ازيادا بەيبىتشىلىك پەن تۇراقتىلىقتى قولداۋدى قامتاماسىز ەتۋ، سونىمەن قاتار قازاقستان مەن قىتاي اراسىندا ستراتەگيالىق سەرىكتەستىكتى نىعايتۋ.
