مەملەكەتتىك حاتشى ۇزدىك جۋرناليستەرگە ق ر پرەزيدەنتىنىڭ ب ا ق سالاسىنداعى سىيلىقتارى مەن گرانتتارىن تاپسىردى -فوتو
«بۇگىن ءبىز ەلىمىزدىڭ ۇزدىك جۋرناليستەرى مەن وزىق بۇقارالىق اقپارات قۇرالدارىنا پرەزيدەنتتىڭ سىيلىقتارى مەن گرانتتارىن جانە العىستارىن تابىس ەتەمىز. ەلباسىمىزدىڭ وتاندىق ب ا ق - تاردىڭ قالىپتاسۋى مەن دامۋىنا ءاردايىم قامقورلىق كورسەتىپ كەلە جاتقانى بارشاڭىزعا ايان. مەملەكەتتىك دەڭگەيدەگى جۇيەلى قولداۋ ناتيجەسىندە تاۋەلسىز ەلىمىزدىڭ مۇددەسىن قورعايتىن ۇلتتىق باسپا ءسوز قالىپتاستى. قازاقستاننىڭ باسپا ءسوزى قوعامداعى تاتۋلىق پەن بىرلىكتىڭ، جوعارى ادامگەرشىلىك قۇندىلىقتارىنىڭ جارشىسىنا اينالدى، جاس مەملەكەتىمىزدىڭ ىرگەسى بەرىك، بولاشاعى باياندى بولۋى ءۇشىن قىزمەت ەتتى. بۇگىندە ينتەرنەت كەڭىستىگىن يگەرۋ ارقىلى جاڭا بەلەسكە كوتەرىلگەن ب ا ق سالاسى «ماڭگىلىك ەل» بولۋ جولىنداعى ۇلى ماقساتقا جۇمىلۋدا»، - دەدى ق ر مەملەكەتتىك حاتشىسى.
وسى ورايدا گ. ءابدىقالىقوۆا كاسىبي شەبەرلىگىمەن، بيىك تالعامىمەن دارالانعان بۇگىنگى ماراپاتتالىپ وتىرعان جۋرناليستەردىڭ ۇلەسى اسا زور ەكەنىن، مەملەكەت وتاندىق اقپارات سالاسىن دامىتۋ جولىنداعى وسى ەڭبەكتى جوعارى باعالايتىنىن اتاپ ءوتتى.
سونىمەن، مەملەكەت باسشىسىنىڭ وكىمىمەن ق ر پرەزيدەنتىنىڭ سىيلىقتارى «ەگەمەن قازاقستان» رەسپۋبليكالىق گازەتىنىڭ باس رەداكتورى جانبولات اۋپبايەۆقا، «ەكسپرەسس- ك» گازەتى رەداكسياسى» ج ش س باس ديرەكتورى الەكسەي پانعا (مارقۇم) بەرىلدى.
بۇدان بولەك، گرانتتار «ارشا» مەدياستۋدياسىنىڭ پروديۋسەرى زارينا ەسەكەيەۆاعا، «حابار» تەلەارناسى باعدارلامالار ءوندىرىسى ديرەكسياسىنىڭ باس پروديۋسەرى رينات كەرتايەۆقا تاپسىرىلدى.
سونىمەن قاتار ءبىرقاتار گازەتتەر مەن جۋرنالداردىڭ، تەلەارنالاردىڭ، راديولاردىڭ، اقپارات اگەنتتىكتەرىنىڭ ۇجىمدارىنا ق ر پرەزيدەنتىنىڭ العىستارى جاريالاندى.
ايتا كەتەيىك، بيىل سىياقىنىڭ جالپى قورى 7 ميلليون 928 مىڭ تەڭگەنى قۇرادى. سىيلىق لاۋرەاتتارىنا 2 ميلليون 200 مىڭ تەڭگە مەن ەستەلىك التىن توسبەلگى، ال گرانت يەگەرلەرىنە 1 ميلليون 700 مىڭ تەڭگەدەن بەرىلدى.
