ن. نازاربايەۆ: ەجەلگى جىبەك جولىنا قايتا قان جۇگىردى
بۇل - ۇدەمەلى يندۋستريالدى-يننوۆاتسيالىق دامۋدىڭ ەكىنشى بەس جىلدىعىندا ورىندالاتىن ماڭىزدى مىندەتتەر. اۋقىمدى باعدارلاما ەلدىڭ ينفراقۇرىلىم جۇيەلەرىن تۇبەگەيلى جاڭعىرتىپ، باسەكەگە قابىلەتتى 30 مەملەكەتتىڭ قاتارىنا قوسىلۋىن كوزدەيدى.
الداعى 5 جىلدا ەل ايماقتارىن وسىنداي تەگىس ءارى قاۋىپسىز كۇرە جول جالعايتىن بولادى. جاڭا يندۋستريالاندىرۋ ۇدەرىسى اياسىندا تۇزىلگەن اۋقىمدى جوسپار كولىكتىك لوگيستيكانى ادام تانىماستاي وزگەرتۋگە باعىتتالعان.
سونىڭ ناتيجەسىندە ەل اۋماعى ارقىلى وتەتىن جۇك تاسىمالى بۇگىنگىدەن بىرنەشە ەسە ۇلعايادى. نۇرسۇلتان نازاربايەۆ، قازاقستان رەسپۋبليكاسى پرەزيدەنتى:
- يندۋستريالاندىرۋدىڭ ينفراقۇرىلىمدىق اياسى ءبىرشاما ۇلعايدى. بۇگىندە 4 مىڭ شاقىرىمعا جۋىق اۆتوموبيل جانە 1700 شاقىرىم تەمىرجول سالىندى. سوڭعى جىلدارى الەمنىڭ بىردە- ءبىر ەلىندە وسىنشاما شاقىرىم جول سالىنباعان.
ءالىمساقتان ساۋدا-ساتتىقتىڭ سۇرلەۋى بولعان ەجەلگى جىبەك جولىنا قايتا قان جۇگىردى. بايىرعى كەرۋەن ىزىمەن قازىر اراداعى الىس-بەرىس زاماناۋي ولشەمدەرگە ساي توننالاپ تاسىمالدانىپ جاتىر. بۇل رەتتە بۇيىردەگى رەسەي جانە قىتاي سىندى قوس دەرجاۆامەن ءوزارا ىقپالداستىق ءتيىمدى ناتيجە بەرۋدە.
ال جاڭا باعدارلامادا كوزدەلگەن اۋقىمدى جوبالار تاۋار تاسىمالىن ودان ارى ارتتىرادى. شىعىستاعى قورعاس قۇرعاق پورتى پايدالانۋعا بەرىلسە، ورتالىق ازيا اۋماعىنا قاراي جۇك جەتكىزۋ بىرنەشە ەسە جەڭىلدەيدى. سونداي-اق اقتاۋداعى تەڭىز پورتىن جاڭعىرتۋ جوباسى اياقتالعان سوڭ بۇل ايماقتان جىلىنا 21 ميلليون توننا تاۋار تاسىمالدانادى.
نۇرسۇلتان نازاربايەۆ، قازاقستان رەسپۋبليكاسى پرەزيدەنتى:
- كولىك-لوگيستيكالىق ينفراقۇرىلىمدى دامىتۋ. بۇل جوسپار ح ا ب- قاعيدالارى بويىنشا قالىپتاساتىن ماكروايماقتار اياسىندا جۇزەگە اسادى. جاڭا ينفراقۇرىلىم نەگىزىندە استانا مەن اۋىل-ايماقتاردىڭ اراسىندا كۇرە جولدار پايدا بولادى.
ول ءۇشىن «باتىس قىتاي-باتىس ەۋروپا»، «استانا-الماتى»، «استانا-وسكەمەن»، «استانا-اقتوبە-اتىراۋ»، «الماتى-وسكەمەن»، «قاراعاندى-جەزقازعان-قىزىلوردا»، «اتىراۋ-استراحان» جوبالارىن اياقتاۋىمىز كەرەك. ەلباسى دىتتەگەن كۇرە جولدار قۇرىلىسىنا 2 تريلليون 400 ميلليارد تەڭگە جۇمسالادى.
قىرۋار قارجى بيىلدان باستاپ «نۇرلى جول» باعدارلاماسى اياسىندا بولىنەدى. ال «باتىس ەۋروپا-باتىس قىتاي» ءدالىزىنىڭ قۇرىلىسى باستالعان 5 جىلدىڭ ىشىندە رەسەيدەن شىمكەنتكە دەيىنگى ارالىق پايدالانۋعا بەرىلدى. ەندى جىل سوڭىنا قاراي كۇرە جولدىڭ شىمكەنت-تاراز اراسىنداعى 183 شاقىرىمى اشىلۋى ءتيىس. جول قۇرىلىسى ەلدىڭ ءار قيىرىندا قارقىندى ءجۇرىپ جاتىر.
ورتالىق پەن وڭتۇستىكتى جالعايتىن استانا-الماتى باعىتىندا دا جول سالىنۋدا. بيىل استانا-تەمىرتاۋ جانە الماتى-قاپشاعاي ارالىعى پايدالانۋعا بەرىلەدى. ورتالىقتى شىعىسپەن بايلانىستىراتىن استانا-وسكەمەن ءدالىزى بويىنشا وسىنداي جوسپار كوزدەلدى. قازىر استانا-پاۆلودار، پاۆلودار-سەمەي ارالىعىنداعى قۇرىلىس جۇمىستارى اياقتالۋعا جاقىن.
سونداي-اق استانانى باتىسپەن جالعايتىن جالپى ۇزىندىعى 2720 شاقىرىم جولدىڭ جارتىسىنا جۋىعى دا جاڭعىرتىلادى. بۇل جۇمىستار كەلەر جىلى باستالماق. ال قىزىلجار وڭىرىنە دەيىنگى كۇرەجولدىڭ 106 شاقىرىمى دا 2016-جىلى پايدالانۋعا بەرىلەدى.
نۇرسۇلتان نازاربايەۆ، قازاقستان رەسپۋبليكاسى پرەزيدەنتى:
- استانادان باستاۋ الاتىن قۇرىلىس جۇمىستارى ءاردايىم قاتاڭ باقىلاۋدا بولۋى كەرەك. بۇل جوسپار مۋلتيپليكاتيۆتىك اسەر تۋدىرادى. ءونىم وندىرۋشىلەر تەحنيكا جانە قۇرىلىس ماتەريالدارىن وتكىزە الادى.
قازىرگىدەي ەكونوميكالىق قيىندىقتار كوبەيگەن تۇستا بۇل جۇمىستىڭ تيىمدىلىگى زور. بۇل جوسپارعا قىتاي حالىق رەسپۋبليكاسى دا ءوز ۇلەسىن قوسپاق. ويتكەنى ولار ەجەلگى جىبەك جولى بويىنداعى ەكونوميكالىق بەلدەۋدە ورنالاسقان.
ەلىمىزدە اقىلى جولدار جوباسى جالعاسادى. «باتىس ەۋروپا-باتىس قىتاي» كولىك دالىزىنىڭ قىزىلوردا-شىمكەنت ارالىعىندا قاتىنايتىن جۇك كولىكتەرى قارجى تولەيتىن بولادى. ايتا كەتەيىك، بۇل حالىقارالىق جول ەل اۋماعى ارقىلى وتەتىن جۇك تاسىمالىنىڭ كولەمىن قازىرگىدەن 3 ەسە ۇلعايتادى.
اۆتورى: راۋان مىڭبايەۆ
www.24.kz
