پرەزيدەنت بارشا قازاقستاندىق جوعارى وقۋ ورىندارىنىڭ بيىلعى تۇلەكتەرىن قۇتتىقتادى

«وسى كۇندەرى مىڭداعان قازاقستاندىق ستۋدەنتتەر ەلىمىزدىڭ ۋنيۆەرسيتەتتەرىنىڭ ديپلومدارىن الىپ جاتىر. مەن وسى مىنبەردەن ەلىمىزدىڭ بارلىق تۇلەكتەرىن قۇتتىقتاعىم كەلەدى. بۇل تۇرعىدا بارشا جاس ماماندارعا ومىرلەرىندە لايىقتى ورىندارىن تابۋىن تىلەيمىن!» - دەدى مەملەكەت باسشىسى.

وسى ورايدا ەلباسى يۋنيسەف باعالاۋى بويىنشا جاستاردى دامىتۋدىڭ جاھاندىق يندەكسىندە قازاقستان كوشباسشى ەلدەردىڭ اراسىندا 27- ورىندى يەلەنە وتىرىپ، العاشقى وتىزدىقتىڭ اراسىندا ەكەنىن، سونداي- اق بۇل جوعارى كورسەتكىش ەكەنىن اتاپ ءوتتى.

«بۇگىن ءبىز ىستەپ جاتقان جۇمىستاردىڭ بارلىعى سىزدەر ءۇشىن، بولاشاعىمىز ءۇشىن جاساپ جاتىرمىز. يندۋستريالاندىرۋ، «نۇرلى جول» ، زاۋىتتار مەن فابريكالاردىڭ، جولدار مەن باسپانا، مەكتەپ قۇرىلىستارىنىڭ بارلىعى سىزدەر ءۇشىن جۇزەگە اسىرىلۋدا. وسىنىڭ بارشاسى ءبىزدىڭ قوعامداعى بەيبىتشىلىك پەن تۇراقتىلىقتىڭ ارقاسىندا» ، - دەدى پرەزيدەنت

ايتا كەتەيىك، 2010 -جىلى قازاقستان پرەزيدەنتىنىڭ باستاماسىمەن قۇرىلعان بۇل وقۋ ورنى وتاندىق ءبىلىم بەرۋدىڭ ۇزدىك ۇلگىسى بولىپ تابىلادى. بيىل ۋنيۆەرسيتەتتى 446 ستۋدەنت ءتامامداپ وتىر. تاراتىلعان مالىمەتتەرگە قاراعاندا، جالپى وقۋ ورنى اشىلعاننان بەرى جەتى مەكتەپتەگى ستۋدەنتتەر سانى  2800-گە دەيىن جەتتى. جىل سايىن 500 ادام وقۋ گرانتىنا يە بولۋدا. ماگيسترانتتار مەن دوكتورانتتار دا مەملەكەتتىك ءبىلىم بەرۋ تاپسىرىسى بويىنشا ءبىلىم الادى.

 ايتا كەتەيىك، بۇگىن سونىمەن قاتار نازاربايەۆ ۋنيۆەرسيتەتىنىڭ جاڭا بەس قاباتتى عيماراتى اشىلدى. بۇل نىسان ەلوردانىڭ تۇران كوشەسى بويىندا ورنالاسقان.

اۆتور: رۋسلان عابباسوۆ