07:07, 12 - ماۋسىم 2015 | GMT +5
بۇگىن ق ر پرەزيدەنتىنىڭ توراعالىعىمەن قاۋىپسىزدىك كەڭەسىنىڭ كەزەكتى وتىرىسى وتەدى
استانا. قازاقپارات - بۇگىن قازاقستان پرەزيدەنتى نۇرسۇلتان نازاربايەۆتىڭ توراعالىعىمەن قاۋىپسىزدىك كەڭەسىنىڭ كەزەكتى وتىرىسى وتەدى.
وتىرىستا ەكولوگيالىق قاۋىپسىزدىكتىڭ جايى، قورشاعان ورتانى قورعاۋ سالاسىندا قابىلدانىپ جاتقان شارالارعا قاتىستى ماسەلەلەر تالقىلانادى دەپ جوسپارلانىپ وتىر.
ايتا كەتەيىك، قازاقستان رەسپۋبليكاسىنىڭ قاۋىپسىزدىك كەڭەسى قازاقستان رەسپۋبليكاسى كونستيتۋتسياسىنىڭ 44-بابىنىڭ 20- تارماقشاسىنا سايكەس قازاقستان رەسپۋبليكاسىنىڭ قورعانىس قابىلەتى مەن ۇلتتىق قاۋىپسىزدىگىن قامتاماسىز ەتۋ، مەملەكەتتىك ەگەمەندىگىن، تاۋەلسىزدىگى مەن اۋماقتىق تۇتاستىعىن ساقتاۋ، ەلدەگى الەۋمەتتىك-ساياسي تۇراقتىلىقتى ۇستاپ تۇرۋ، ازاماتتاردىڭ كونستيتۋتسيالىق قۇقىقتارى مەن بوستاندىقتارىن قورعاۋ جونىندەگى مەملەكەت باسشىسىنىڭ شەشىمدەرىن ازىرلەۋ جانە وكىلەتتىگىن ىسكە اسىرۋىنا جاردەمدەسۋ ءۇشىن قازاقستان رەسپۋبليكاسىنىڭ پرەزيدەنتى قۇراتىن كونسۋلتاتيۆتىك-كەڭەسشى ورگان بولىپ تابىلادى.
