ا. ءسارىنجىپوۆ: جۇمىس بەرۋشلەردىڭ تالاپتارىنا ج و و تۇلەكتەرىنىڭ ءبىلىم دەڭگەيلەرىنىڭ سايكەس كەلمەۋى - جاھاندىق پروبلەما
شارا جەدەل قۇبىلىپ وتىراتىن ەڭبەك نارىعىنىڭ تالاپتارىنا سايكەس كەلەتىن بىلىكتى مامانداردى دايارلاۋ پروبلەمالارىن تالقىلاۋعا ارنالدى. فورۋمدا ق ر ءبىلىم جانە عىلىم ءمينيسترى اسلان ءسارىنجىپوۆ ءسوز سويلەدى، ول تابىستى ەلدەردىڭ الدىندا تۇرعان مىندەتتەردىڭ ءبىرى جۇمىسپەن قامتۋ داعدارىسىن ەڭسەرۋ بولىپ تابىلاتىنىن اتاپ ءوتتى.
«ە ى د ۇ ەلدەرىندە 16-29 جاس ارالىعىنداعى جاستاردىڭ كوبى جۇمىسسىز، ءبىلىم بەرۋ جۇيەسىنە قامتىلماعان، وندىرىستە دايىندىقتان وتپەيدى. بۇكىل الەمدە ەكونوميكانىڭ ءتۇرلى سالالارىنا بايلانىستى پروبلەمالار بار. ولاردى شەشۋدەگى ماڭىزدى ءرول ءبىلىم بەرۋ جۇيەسىنە بايلانىستى»، - دەپ اتاپ ءوتتى ول.
مينيستر مەملەكەتتىڭ ودان ءارى قالىپتاسۋى ءۇشىن ۇلت جوسپارىندا ايتىلعان رەفورمالارعا بارلىق كەزەڭدەگى ءبىلىم بەرۋ جۇيەسى تارتىلعانىنا توقتالىپ ءوتتى.
«بۇل بىزدەن ءبىلىم بەرۋ جۇيەسىن جاقسارتۋ ارەكەتتەرىن جۇزەگە اسىرۋدى تالاپ ەتەدى، بۇل ۇلكەن جاۋاپكەرشىلىكتى ەشتەڭەمەن سالىستىرۋعا كەلمەيدى، سەبەبى الداعى وزگەرىستەردىڭ نەگىزگى بۋىنى - ادام كاپيتالى. جەتەكشى ەلدەر مەن الەمدىك دامۋ تاجىريبەسى كورسەتكەندەي، تۇتاستاي ءبىلىم مەن عىلىم مەملەكەتتىك دامۋ، باسەكەگە قابىلەتتىلىكتى ارتتىرۋ، ەكونوميكالىق ءوسىم، قوعامدىق كەلىسىمنىڭ جۇيە قۇراۋشى فاكتورى بولۋى ءتيىس. وسىعان بايلانىستى ەلدىڭ بارلىق پەداگوگيكالىق، عىلىمي قوعامداستىعى، ءبىزدىڭ مينيسترلىك قوعامدىق يگىلىك رەتىندە ءبىلىم مەن عىلىم قۇندىلىقتارى مەن تاسىلدەرىنە نەگىزدەلگەن يدەولوگياعا جاڭاشا كوزقاراس تانىتۋى ءتيىس»، - دەدى ا. ءسارىنجىپوۆ.
ق ر ب ع م باسشىسىنىڭ ايتۋىنشا، جۇمىس بەرۋشىلەردىڭ تالاپتارى مەن ماماندار دايارلىعىنىڭ ناتيجەلەرىنىڭ سايكەس كەلمەۋى جاھاندىق پروبلەما بولىپ تابىلادى. بۇل تەك قازاقستان ءۇشىن عانا ەمەس، كوپتەگەن ەلدەرگە ءتان. بىلتىرعى قازاقستاندىق جۇمىس بەرۋشىلەر اراسىندا وتكەن ساۋالنامادا: تۇلەكتىڭ اكادەميالىق ۇلگەرىمنىڭ، ج و و بەدەلىنىڭ، ونىڭ ءوز ءبىلىمىن تۇراقتى تۇردە جاڭارتىپ وتىرۋعا ۇمتىلىسىنىڭ ماڭىزدىلىعى اتاپ ءوتىلىپ، جۇمىس بەرۋشىلەر تۇلەكتەردىڭ ج و و قابىرعاسىندا العان بىلىكتىلىگىنىڭ ساپاسىنا الاڭداۋشىلىق ءبىلدىردى.
«جۇمىس بەرۋشىنىڭ كەشەگى تۇلەكتىڭ كاسىبي دايىندىعىنا جەتكىلىكتىلىگىنە سەنىمىسىزدىگىنە قاراماستان، كومپانيالاردىڭ تۇلەكتەردى جۇمىسقا الۋدان باس تارتا المايتىنى بەلگىلى. وسىنى ءتۇسىنۋ ارقىلى جۇمىس بەرۋشى ءبىلىم بەرەتىن ۇيىمدارمەن تىعىز جۇمىس ىستەۋ قاجەتتىگىن سەزىنۋى ءتيىس. وقۋ ورنى مەن ءوندىرىستىڭ اراسىنداعى ءوزارا ءىس- ارەكەت ەكى جاقتىڭ كۇتكەن ناتيجەسىنە سايكەس كەلەتىن دەڭگەيگە جەتكەن جوق. قازاقستاندىق كونتەكستە بۇل پروبلەما نارىقتىق قاتىناستارعا كوشۋگە قاراماستان، ەڭبەك نارىعىندا، ءبىلىم بەرۋ قىزمەتى نارىعىندا سۇرانىس پەن ۇسىنىس ءالى دە قالىپتاسۋ ۇستىندە بولۋىمەن كۇردەلەنە تۇسۋدە. تۇلەكتەر قانداي بولۋ كەرەك دەگەن داۋ- داماي تولاستاعان جوق، ولار كەيدە جۇمىس بەرۋشىنىڭ قويعان تالاپتارىنا سايكەس كەلمەي جاتادى»، - دەدى ا. ءسارىنجىپوۆ.
