قازاقستان دۇنيەجۇزىلىك ساۋدا ۇيىمىنا كىرۋ شارتتارى جونىندەگى كەلىسسوزدەردى اياقتادى
سارسەنبى كۇنى ونىڭ باسپا ءسوز قىزمەتى حابارلاعانداي، قوسىلۋ جونىندەگى قۇجاتتار بۋماسى 22 - ماۋسىم كۇنى «كىرۋ جونىندەگى جۇمىس توبى مۇشەلەرىنىڭ ماقۇلداۋىنا» ۇسىنىلادى، ودان كەيىن ۇيىمنىڭ باس كەڭەسىنە بەكىتۋگە بەرىلەدى، دەپ حابارلادى ت ا س س.
«مەن د س ۇ مۇشە- ەلدەرى مەن قازاقستان رەسپۋبليكاسىنىڭ ۇكىمەتىن وسى تاريحي قاداممەن قۇتتىقتايمىن»، - دەپ مالىمدەدى ۇيىمنىڭ باس ديرەكتورى روبەرتۋ ازيەۆەدۋ. «مەن قازاقستاندى د س ۇ- دا قۇتتىقتاۋ ءساتىن كۇتۋدەمىن»، - دەپ اتاپ ءوتتى ول.
ءوز كەزەگىندە جۇمىس توبىنىڭ مۇشەلەرى 10 - ماۋسىمداعى ءوزىنىڭ وتىرىسىندا د س ۇ- نىڭ 20 جىلدىق تاريحىنداعى «ەڭ ۇلكەن شارالاردىڭ ءبىرى» بولعان كەلىسسوزدەر ۇدەرىسىنىڭ اياقتالۋىمەن قۇتتىقتادى.
جۇمىس توبىنىڭ ءتوراعاسى، فين ەلشىسى ۆاسا حيمانەن قازاقستان دەلەگاتسياسىنىڭ باسشىسى، ەكونوميكالىق ينتەگراتسيا ءمينيسترى جانار ايتجانوۆانى «تاريحي جەتىستىكپەن» قۇتتىقتادى.
د س ۇ باسپا ءسوز قىزمەتىنىڭ اتاپ وتۋىنشە، قازاقستاننىڭ كىرۋ ۇدەرىسىنىڭ «كۇردەلىلىگى مەن بىرەگەيلىگى» ەۋرازيالىق ەكونوميكالىق وداققا مۇشەلىگىمەن بايلانىستى تاريف جونىندەگى كەلىسسوزدەر جۇرگىزۋ قاجەتتىگىنەن بولدى.
قازاقستان ۇيىمعا كىرۋ جونىندەگى ءوتىنىشىن 1996 - جىلعى 29 - قاڭتاردا بەرگەن بولاتىن.
قازىرگى كەزدە د س ۇ- عا كىرۋ تۋرالى كەلىسسوزدەردى 21 ەل جۇرگىزۋدە، ولاردىڭ اراسىندا ازەربايجان، بەلارۋس جانە وزبەكستان بار. رەسەي ۇيىمعا 2012 - جىلى قوسىلدى.
بۇگىندە 161 مەملەكەت پەن اۋماقتار مۇشە بولىپ وتىرعان د س ۇ - الەمدىك ساۋدا سالاسىنداعى قاداعالاۋ قىزمەتىن جۇزەگە اسىرىپ وتىرعان بىردەن- ءبىر حالىقارالىق ورگان.
