استانادا بىرىككەن ۇلتتار ۇيىمىنىڭ جاڭا عيماراتى اشىلدى
اشىلۋ راسىمىنە قاتىسقان ب ۇ ۇ باس حاتشىسى پان گي مۋن مىرزا ب ۇ ۇ- عا ۇلكەن قولداۋ كورسەتىپ وتىرعان قازاقستانعا العىسىن ءبىلدىردى.
« قازاقستان - ب ۇ ۇ- عا مىقتى قولداۋ جاساپ وتىرعان ەلدەردىڭ ءبىرى. ورتالىق ازيادا كوشباسشى بولىپ سانالاتىن قازاقستان يادرولىق قارۋعا قارسى باعدارلامانى بارشا الەمدىك قاۋىمداستىق الدىندا جاريالاعان بولاتىن.
سونىمەن قاتار قازاقستان ۋكراينا، سيريا جانە اۋعانستانداعى شيەلەنىستەردى بەيبىت جولمەن شەشۋگە ءوزىنىڭ ۇلكەن ۇلەسىن قوسىپ جاتىر. بۇل قادام ب ۇ ۇ- نىڭ نەگىزگى پرينتسيپتەرىمەن ۇندەس. سىزدەردىڭ مەملەكەتتەرىڭىز يادرولىق قارۋسىز الەمدى قالىپتاستىرۋعا باعىتتالعان ب ۇ ۇ مۇددەسىنە قۋاتتى قولداۋ جاساۋدا. قازاقستان ءوز جەرىندە ءدىن كوشباسشىلارىنىڭ سەزىن وتكىزۋ ارقىلى بىرلىكتىڭ، بەيبىتشىلىكتىڭ ۇلگىسىن كورسەتۋدە. وسى سەزدى وتكىزۋگە باستاماشى بولعان قازاقستان پرەزيدەنتى ن. ءا. نازاربايەۆقا العىسىمدى ايتامىن. قازاقستان بارشا الەمدە تولەرانتتىلىقتى، ءدىن بوستاندىعىن دامىتۋ ءۇشىن وسىناۋ ۇلكەن سۇحبات الاڭىن قۇردى»، - دەدى پان گي مۋن.
ءوز كەزەگىندە ق ر سىرتقى ىستەر ءمينيسترى ەرلان ىدىرىسوۆتىڭ ايتۋىنشا، ب ۇ ۇ- نىڭ جاڭا عيماراتىن اشۋ قازاقستان ۇكىمەتى مەن ب ۇ ۇ- نىڭ قازاقستانداعى وكىلدىگىنىڭ ۇزاقمەرزىمدى، تياناقتى ءارى جەمىستى ارىپتەستىگىنىڭ ناتيجەسى.
« قازاقستان ۇكىمەتى بىرىككەن ۇلتتار ۇيىمىنا جان- جاقتى قولداۋ كورسەتۋدى جالعاستىرا بەرمەك. قازاقستان حالىقارالىق اگەنتتىكتەر ءۇشىن الماتىدا عيماراتتار ۇسىنۋ جونىندە شەشىم قابىلدادى. ءسوز جالپى اۋماعى 20 مىڭ شارشى مەتر بولاتىن قالانىڭ ەڭ ادەمى جەرىندە ورنالاسقان عيمارات تۋرالى بولىپ وتىر. عيماراتتاردى ءبولۋ الماتىدا ب ۇ ۇ حابىن قۇرۋعا باعىتتالعان ەلەۋلى قادامداردىڭ ءبىرى. ءبىز وسى باعىتتا ب ۇ ۇ- مەن ارىپتەستىكتى جالعاستىرا بەرەمىز»، - دەدى مينيستر.
اۆتور: جاسۇلان جولدىبايەۆ
