ق. بيشىمبايەۆ: «بولاشاققا» وقۋعا ءتۇسۋ كەزىندە جىلجىمايتىن مۇلىكتى كەپىلگە قويۋ - ورىندى تالاپ
بۇل تۋرالى بۇگىن ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا «بايتەرەك» ۇلتتىق باسقارۋشى حولدينگى» ا ق باسقارما ءتوراعاسى، «بولاشاق» قاۋىمداستىعى كەڭەسىنىڭ ءتوراعاسى قۋاندىق بيشىمبايەۆ ءمالىم ەتتى.
«وقۋعا ءتۇسۋ كەزىندە كەپىل مۇلىك قالدىرۋ ماسەلەسىنە توقتالاتىن بولساق، «بولاشاق» - بۇل ءبىلىم جانە عىلىم مينيسترلىگى اكىمشىلەيتىن مەملەكەتتىك باعدارلاما بولىپ تابىلادى. بۇل تۇرعىداعى شارالارعا قاۋىمداستىق قاتىسپايدى، ياعني بۇل تالاپتى مەملەكەت قويىپ وتىر» ، - دەدى بيشىمبايەۆ تىلشىلەر ساۋالىنا جاۋاپ بەرۋ كەزىندە.
ونىڭ پايىمىنشا، وسىعان بايلانىستى بۇل تالاپتان ازىرگە باس تارتىلمايتىن بولادى.
«ءبىزدىڭ پايىمىمىزشا، اتالعان تالاپ لايىقتى بولۋى مۇمكىن. ءبىز بارلىعىمىز وسىدان وتتىك، ياعني باعدارلاما اياسىندا وقۋدى ءتامامداپ، ەلگە ورالدىق. مۇلكىمىز وزىمىزگە قايتارىلدى. بۇگىندە رەسپۋبليكانىڭ يگىلىگىنە قىزمەت ەتۋدەمىز» ، - دەدى كەڭەس ءتوراعاسى.
اۆتور: رۋسلان عابباسوۆ
