ق ر سپورت شەبەرلەرى مەن حالىقارالىق عىلىمي جارىستاردىڭ جەڭىمپازدارىن ارمياعا دايىندايدى
بۇل تۋرالى ق ر قورعانىس مينيسترلىگىنىڭ باسپا ءسوز قىزمەتىنەن حابارلادى.
قارۋلى كۇشتەردىڭ قاتارىنا اسكەري قىزمەتكە جاستاردى دايىنداۋ، ولاردىڭ جاۋىنگەرلىك قىزمەت وتكەرۋ كەزىندە قاجەت داعدىلارى مەن شەبەرلىكتەرىن قالىپتاستىرۋ، دەنە تۇرعىسىندا جەتىلدىرۋ - الداعى جيىننىڭ نەگىزگى مىندەتتەرى بولىپ سانالادى. وعان قازاقستان جاستارىنىڭ ەڭ مىقتى، اقىلدى جانە بەلسەندى وكىلدەرى قاتىساتىن بولادى.
«بۇگىنگى وتكىزىلىپ وتىرعان «ايبىن» 1- رەسپۋبليكالىق اسكەري-پاتريوتتىق جاستار جيىنىنىڭ ۇيىمداستىرۋشىلارىنا، ياعني قازاقستان رەسپۋبليكاسىنىڭ قورعانىس مينيسترلىگىنە ءوزىمنىڭ اتىمنان جانە گەنەرال ساعادات قوجاحمەت ۇلى نۇرماعامبەتوۆ اتىنداعى «جاس ۇلان» رەسپۋبليكالىق مەكتەبىنىڭ جەكە قۇرامى اتىنان ۇلكەن العىسىمدى بىلدىرگىم كەلەدى»، - دەدى گەنەرال س. ق. نۇرماعامبەتوۆ اتىنداعى «جاس ۇلان» رەسپۋبليكالىق مەكتەبىنىڭ 10-سىنىپ وقۋشىسى توتانوۆ نۇرجان.
«وسىنداي جارىستار جاستارىمىزدىڭ بويىندا اسكەري-تەحنيكالىق ءبىلىم، بىلىكتىلىك پەن داعدىنى قالىپتاستىرۋ، باتىلدىققا، ۇيىمداستىرۋشىلىققا تاربيەلەۋ، ءتارتىپ پەن جولداستىق سەزىمىن قالىپتاستىرادى دەپ ويلايمىن. مەن وسى اتالعان جارىسقا قاتىسقانىما وتە قۋانىشتىمىن جانە ماقتانامىن، مەن ءۇشىن بۇل ابىروي دەپ سانايمىن، سونىمەن بىرگە وسى جارىستان ۇلكەن اسەر الدىم. سوندىقتان دا ءبىز «نۇرماعامبەتوۆشىلار» بۇگىنگى سايىستى تەك ويىن رەتىندە قابىلداماي، بىزگە دەيىنگى جانە قازىرگى كەزدەگى ەڭ مىقتى ازاماتتارىمىزدىڭ ار- نامىس كودەكسى ەكەنىن ەستەن شىعارماي بار كۇش- جىگەرىمىزدى سالامىز» - دەدى نۇرجان توتانوۆ.
