ن. نازاربايەۆ «گلەنكور ينتەرنەشنل» كومپانياسىنىڭ جايرەم تاۋ-كەن بايىتۋ كومبيناتىن ءوز مەنشىگىنە الۋدىڭ ماڭىزدىلىعىن اتاپ ءوتتى

استانا. قازاقپارات - ق ر پرەزيدەنتى نۇرسۇلتان نازاربايەۆ «گلەنكور ينتەرنەشنل» كومپانياسىنىڭ باس اتقارۋشى ديرەكتورى ايۆان گلازەنبەرگتى قابىلدادى، دەپ حابارلادى اقوردانىڭ باسپا ءسوز قىزمەتىنەن.

كەزدەسۋدە كومپانيانىڭ قازاقستان يندۋسترياسىن دامىتۋعا قاتىسۋىنىڭ نەگىزگى باعىتتارى مەن الداعى كەزەڭگە ارنالعان جوسپارلارى قاراستىرىلدى.

مەملەكەت باسشىسى كومپانيانىڭ ەلىمىزدەگى كاسىپورىندارى تۇراقتى جۇمىس ىستەپ، ەكونوميكانىڭ دامۋىنا وڭ ىقپال ەتىپ وتىرعانىن اتاپ ايتتى.

نۇرسۇلتان نازاربايەۆ كومپانيانىڭ جايرەم تاۋ-كەن بايىتۋ كومبيناتىن مەنشىگىنە الۋىنىڭ ماڭىزدىلىعىن، ونىڭ ايتارلىقتاي الەۋەتكە يە ەكەنىن اتاپ ءوتتى.

ا. گلازەنبەرگ جايرەم كەنىشىن ودان ءارى دامىتۋ كومپانيانىڭ شيكىزاتتىق بازاسىن كەڭەيتۋگە مۇمكىندىك بەرىپ، قورعاسىن-مىرىش سالاسىنىڭ ۇزاق مەرزىمدى تيىمدىلىگىن ارتتىرۋعا ىقپال ەتەتىنىنە توقتالدى.