قازاقستاننىڭ مەملەكەتتىك بورىشى قاۋىپسىز دەڭگەيدە - قارجى ءمينيسترى

استانا. قازاقپارات - قازاقستاننىڭ مەملەكەتتىك بورىشى قاۋىپسىز دەڭگەيدە. بۇل تۋرالى بۇگىن ق ر پارلامەنتى ءماجىلىسىنىڭ جالپى وتىرىسىندا «قازاقستان رەسپۋبليكاسى ۇكىمەتىنىڭ جانە رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ 2014 - جىلعى رەسپۋبليكالىق بيۋدجەتتىڭ اتقارىلۋى تۋرالى ەسەپتەرى جونىندە بايانداما جاساعان ق ر قارجى ءمينيسترى باقىت سۇلتانوۆ ايتتى.
None
None

 «مەملەكەتتىك بورىش اعىمداعى جىلدىڭ باسىندا 5 تريلليون 655 ميلليارد تەڭگەنى نەمەسە جالپى ىشكى ونىمگە 14,9 پايىزدى قۇرادى. مەملەكەت كەپىلدىك بەرگەن بورىش 83 ميلليارد تەڭگەنى، ياعني، جارتى ميلليارد ا ق ش دوللارى نەمەسە جالپى ىشكى ءونىمنىڭ 0,2 پايىزىنا تەڭ. مەملەكەتتىك بورىش قۇرامىنا ۇكىمەتتىڭ، ۇلتتىق بانكتىڭ جانە جەرگىلىكتى اتقارۋشى ورگانداردىڭ بورىشى كىرەدى»، - دەدى ب. سۇلتانوۆ.

 ونىڭ اتاپ وتۋىنشە، سىرتقى بورىش ۇكىمەتتە عانا بار. ول ءبىر تريلليون 435 ميلليارد تەڭگەنى نەمەسە جالپى ىشكى ونىمگە 3.8 پايىزدى قۇرايدى.

 «مەملەكەتتىك بورىش قاۋىپسىز دەڭگەيدە قالىپ وتىر. بۇل شەكتى شامادان تومەن. ۇلتتىق بانكتىڭ دەرەكتەرى بويىنشا ەلدىڭ سىرتقى بورىشى 157 ميلليارد ا ق ش دولارىن نەمەسە جالپى ىشكى ءونىمنىڭ 74 پايىزىن قۇرادى. ال تىكەلەي ينۆەستيتسيالاردى، ياعني، فيرما ارالىق بەرەشەكتەردى الىپ تاستاساق 78 ميلليارد ا ق ش دوللارىن نەمەسە جالپى ىشكى ونىمگە 37 پايىزدى قۇرايدى»، - دەدى ول.

 ءمينيستردىڭ ايتۋىنشا، مەملەكەتتىك سەكتوردىڭ سىرتقى بورىشى 7,3 ميلليارد ا ق ش دوللارىن قۇراپ وتىر.

 اۆتور: مارلان جيەمباي

سوڭعى جاڭالىقتار