ينۆەستيتسيالار جانە دامۋ ۆيتسە-ءمينيسترى تاعايىندالدى
بۇل تۋرالى قازاقپارات تىلشىسىنە ق ر ي د م بايلانىس، اقپاراتتاندىرۋ جانە اقپارات كوميتەتىنەن حابارلادى.
بۇعان دەيىن ول ق ر ينۆەستيتسيالار جانە دامۋ مينيسترلىگىنىڭ بايلانىس، اقپاراتتاندىرۋ جانە اقپارات كوميتەتىن باسقارعان بولاتىن.
ساكەن سارسەنوۆ 1977 -جىلى 2 اقپاندا تۋعان. ماسكەۋ مەملەكەتتىك اۆياتسيالىق ينستيتۋتىن «اقپارات وڭدەۋ جانە باسقارۋدىڭ اۆتوماتتاندىرىلعان جۇيەسى» ماماندىعى بويىنشا بىتىرگەن.
ءار جىلدارى قازاقستان رەسپۋبليكاسى كولىك جانە كوممۋنيكاتسيا مينيسترلىگىندە جۇمىس ىستەگەن، قازاقستان رەسپۋبليكاسى قارجى مينيسترلىگى «قارجىلىق جۇيەلەردى اقپاراتتاندىرۋ ورتالىعى» ر م ك اقپاراتتى قورعاۋدى ۇيىمداستىرۋ ءبولىمىنىڭ مەڭگەرۋشىسى بولىپ جۇمىس ىستەدى.
2003-2008 -جىلدارى «ۇلتتىق اقپاراتتىق تەحنولوگيالار» ا ق باسقارما ءتوراعاسىنىڭ ورىنباسارى قىزمەتىن اتقاردى. 2008 -جىلدىڭ ءساۋىر ايىنان باستاپ 2009 -جىلدىڭ قازان ايىنا دەيىن «قازاق تەلەكوم» ا ق ەلەكتروندىق قىزمەتتەر بويىنشا باسقارۋشى ديرەكتورى لاۋازىمىندا بولدى.
2009 -جىلدىڭ قازان ايىنان باستاپ 2010 -جىلدىڭ 30 -ناۋرىزىنا دەيىن ق ر باس پروكۋراتۋراسى قۇقىقتىق ستاتيستيكا جانە ارناۋلى ەسەپ جونىندەگى كوميتەتى ءتوراعاسىنىڭ ورىنباسارى قىزمەتىن اتقاردى.
2010 -جىلدىڭ ءساۋىر ايىنان 2012 -جىلدىڭ قاڭتار ايىنا دەيىن ق ر بايلانىس جانە اقپارات ۆيتسە-ءمينيسترى لاۋازىمىن اتقاردى.
2012-2014 -جىلدارى ق ر كولىك جانە كوممۋنيكاتسيا ۆيتسە-ءمينيسترى قىزمەتىندە بولدى.
سونىمەن قاتار ق ر بايلانىس جانە اقپارات اگەنتتىگى ءتوراعاسىنىڭ ءبىرىنشى ورىنباسارى (09.04.2014-13.08.2014)؛ ق ر ينۆەستيتسيالار جانە دامۋ مينيسترلىگىنىڭ اقپاراتتاندىرۋ جانە اقپارات كوميتەتىنىڭ (08.2014 باستاپ) ءتوراعاسى لاۋازىمدارىن اتقاردى.
