قازاقستاندا كاسپي ماڭى ويپاتىنداعى كومىرسۋتەك رەسۋرستارىن يگەرۋ بويىنشا «ەۋرازيا» جوباسىن جۇزەگە اسىرۋ باستالدى

بۇل تۋرالى بۇگىن ق ر پارلامەنتى ماجىلىسىندەگى پارلامەنتتىك تىڭداۋدا ق ر ەنەرگەتيكا ءمينيسترى ۆلاديمير شكولنيك ءمالىم ەتتى.

«الدىڭعى قاتارلى الەمدىك ساراپشىلار جۇرگىزگەن زەرتتەۋلەردىڭ نەگىزىندە كاسپي ماڭى ويپاتىندا اۋقىمدى كولەمدەگى كومىرسۋتەكتەر قورى بولجانىپ وتىر، ياعني ونىڭ كولەمى 60 ميلليارد توننا مۇنايعا باعالاندى»، - دەدى ۆ. شكولنيك.

ونىڭ سوزىنە قاراعاندا، جۇزەگە اسىرۋى باستالعان «ەۋرازيا» جوباسى اياسىندا يننوۆاتسيالىق گەولوگيالىق تەحنولوگيالاردى پايدالانۋ جانە 15 شاقىرىمعا دەيىنگى تەرەڭ ۇڭعىمانى بۇرعىلاۋ قاراستىرىلىپ وتىر.

وسى جوباعا ءبىرقاتار الەمدىك مۇناي-گاز كومپانيالارى قىزىعۋشىلىق تانىتقان. قازىرگى كەزدە كونسورتسيۋم قۇرىلۋدا، سونىمەن قاتار الەۋەتتى ينۆەستورلارعا جەڭىلدىكتەر ۇسىنۋ زەردەلەنۋدە.

ءمينيستردىڭ اتاپ وتۋىنشە، قاشاعان كەن ورنىن يگەرۋ مەن ت ش و- نى بولاشاقتا دامىتۋ جوباسىن ەسكەرە وتىرىپ، 2031-جىلعا قاراي مۇنايدى ءوندىرۋدىڭ جوعارى كولەمى 113 ميلليون تونناعا جەتپەك. سودان كەيىن 2040-2050-جىلدارى ءوندىرۋ كولەمىن بىركەلكى تومەندەتۋ قاراستىرىلۋدا.

اۆتور: رۋسلان عابباسوۆ