حورۆاتيا قازاقستان بيزنەسىن ارىپتەستىككە شاقىردى
بۇل تۋرالى بۇگىن ءوتىپ جاتقان قازاقستان-حورۆاتيا بيزنەس-فورۋمىندا حورۆاتيا پرەمەر-ءمينيسترى زوران ميلانوۆيچ ايتتى.
«ءبىز سىزدەردى حورۆاتياعا كەلىپ، ءوز بيزنەستەرىڭىزدى جۇرگىزۋگە شاقىرامىز. ءبىزدىڭ كاسىپكەرلەرىمىز سىزدەرمەن جۇمىس جاساۋعا مۇددەلى» - دەدى ز. ميلانوۆيچ.
ونىڭ ايتۋىنشا، بۇگىندە حورۆاتيانىڭ ەكونوميكاسى ەۋروپالىق وداقتاعى ماڭىزدى ەكونوميكالاردىڭ ءبىرى.
«ءبىز حالىقتىڭ ورتاشا ءومىر ءسۇرۋ دەڭگەيىنە قول جەتكىزدىك. ارينە، بارلىعىمىز قيىن كەزەڭدەردەن ءوتىپ كەلەمىز. دەگەنمەن، بارلىق قيىندىق ارتتا قالدى» - دەدى پرەمەر-مينيستر.
«ءبىزدىڭ ەكسپورتىمىز كۇن ساناپ ءوسىپ كەلەدى، سوندىقتان قازىر ءبىز باسەكەگە قابىلەتتى مەملەكەتتەرمەن تەڭەسە الامىز. مەن مۇندا ءبىز سىزدەرگە كەرەك بولعاندىقتان ەمەس، سىزدەر بىزگە كەرەك بولعاندىقتان كەلىپ وتىرمىن. ءبىز سىزدەردەن ينۆەستيتسيا قابىلداۋعا دايىنبىز»، - دەدى زوران ميلانوۆيچ.
سونىمەن قاتار، ول قازاقستان مەن حورۆاتيا اراسىنداعى قارىم-قاتىناسقا قولايلى بولاتىن ءبىرقاتار سالالاردى اتاپ ءوتتى.
«حورۆاتيا تۋرالى ءسوز بولعاندا كوپ ادامدار بىزدە تۋريزمنىڭ دامىعانىن ەسكە الادى. سونىمەن قاتار، بىزدە ءوندىرۋ ونەركاسىبى، كەمە جاساۋ سالالارى مىقتى دامىعان»، - دەپ اتاپ ءوتتى ز. ميلانوۆيچ.
اۆتور: ءابۋ-اسقار مەكەش ۇلى
