14:08, 12 - مامىر 2015 | GMT +6
ءماجىلىس دەپۋتاتى ق. سۇلتانوۆ ەلباسىنا نەگىزگى زاڭ جوبالارىنىڭ قارالۋ بارىسى جايلى باياندادى
استانا. قازاقپارات - مەملەكەت باسشىسى نۇرسۇلتان نازاربايەۆ پارلامەنت ءماجىلىسىنىڭ دەپۋتاتى، حالىقارالىق ىستەر، قورعانىس جانە قاۋىپسىزدىك كوميتەتىنىڭ مۇشەسى قۋانىش سۇلتانوۆتى قابىلدادى، دەپ حابارلايدى اقوردانىڭ باسپا ءسوز قىزمەتى.
ق. سۇلتانوۆ ەلباسىنا ءماجىلىستىڭ زاڭ شىعارۋ جۇمىسىنىڭ ءبىرقاتار باعىتتارى جانە نەگىزگى زاڭ جوبالارىنىڭ قارالۋ بارىسى، سونداي-اق الداعى كەزەڭگە ارنالعان جوسپارلار تۋرالى باياندادى.
كەزدەسۋ بارىسىندا قازاقستان پرەزيدەنتى ق. سۇلتانوۆتى 70 جىلدىق مەرەيتويىمەن قۇتتىقتاپ، مىقتى دەنساۋلىق، باق-بەرەكە جانە بۇدان ارعى جۇمىسىنا تابىس تىلەدى.
