قاس دۇشپانعا اتىلعان ءاربىر وقتا قازاق جەرىنىڭ ۇلەسى زور - ەلباسى
«ەكى كۇننەن سوڭ ۇلى وتان سوعىسىنداعى جەڭىسكە 70 جىل تولادى. ادامزات تاريحىنداعى ەڭ الاپات سوعىستاعى ۇلى جەڭىسكە ءبىزدىڭ حالقىمىز وشپەس ۇلەس قوستى. مايدانعا اتتانعان 1 ميلليون 200 مىڭ جەرلەستەرىمىزدىڭ تەڭ جارتىسى سوعىستا ەرلىكپەن قازا تاپتى. 500 دەن استام قازاقستاندىق كەڭەس وداعىنىڭ باتىرى اتاندى. سوعىس جىلدارىندا بۇكىل حالقىمىز تىل جۇمىسىندا جۇمىلىپ، جەڭىسكە ءوز ەڭبەگىن ءسىڭىردى. قاس دۇشپانعا اتىلعان ءاربىر وقتا قازاق جەرىنىڭ ۇلەسى زور» ، - دەدى جوعارعى باس قولباسشى.
بۇدان بولەك، مەملەكەت باسشىسى اسكەرلەردىڭ ەرلىگى مەن انالارىمىزدىڭ ەڭبەگى ۇرپاق جادىندا ماڭگى ساقتالاتىنىن جەتكىزدى. سونىمەن قاتار، ەلباسى، قازاقستاندىقتاردىڭ جەڭىستەرىنىڭ تاريحى پاتريوتيزم مەن ەل بىرلىگىنىڭ ناعىز ۇلگىسى ەكەنىن اتاپ ءوتتى.
«ءبىز ۇلى جەڭىستى ماڭگىلىك ۇلىقتاپ وتەتىن بولامىز» ، - دەدى ن. نازاربايەۆ.
اۆتور: قانات مامەتقازى ۇلى
