مينيسترلەر حالىق الدىندا ەسەپ بەرەتىن بولادى

استانا. قازاقپارات - بۇگىن اقوردادا ۇكىمەتتىڭ كەڭەيتىلگەن وتىرىسىندا ەلباسى نۇرسۇلتان نازاربايەۆ حالىق الدىندا مينيسترلىك باسشىلارىنىڭ ەسەپتىك كەزدەسۋلەرى تاجىريبەسىن ەنگىزۋدى تاپسىردى.

«كوپشىلىك اقپاراتقا قولجەتىمدىلىك زاڭنامالىق تۇردە بەكىتىلەدى. مەملەكەتتىك ورگاندار ۇنەمى حالىق الدىندا ەسەپ بەرەتىن بولادى. بىزدە بۇنداي تاجىريبە بار، ياعني اۋدان جانە وبلىس اكىمدەرى حالىق الدىندا ەسەپ بەرىپ كەلەدى. ۇكىمەت پەن مينيسترلىكتەر دە حالىق الدىندا ەسەپ بەرۋى ءتيىس»، - دەدى مەملەكەت باسشىسى.

وسى ورايدا پرەزيدەنت اكىمدەرگە قاراعاندا ەسەپ بەرۋ فورماتى وزگەشە بولۋى مۇمكىن ەكەنىن اتاپ ءوتتى.

«بۇگىندە كوممۋنيكاتسيانىڭ، تەلەارنا مەن راديونىڭ دامىعانىن ەسكەرە وتىرىپ، بارشا ەلدى شارلاۋ مىندەتتى ەمەس. بۇل تۇرعىدا ادامدار كەز كەلگەن اقپاراتتى قايدان ناقتى الۋى كەرەكتىگىن ءبىلۋى ءتيىس»، - دەدى ن. نازاربايەۆ.

اۆتور: رۋسلان عابباسوۆ