قازاقستاندا سالىقتاردى جيناۋ مەحانيزمى تۇبەگەيلى وزگەرىسكە ۇشىرايدى

استانا. قازاقپارات - قازاقستاندا سالىقتاردى جيناۋ مەحانيزمى تۇبەگەيلى وزگەرىسكە ۇشىرايدى.

بۇل تۋرالى بۇگىن اقوردادا وتكەن ق ر ۇكىمەتىنىڭ كەڭەيتىلگەن وتىرىسىندا ەلباسى نۇرسۇلتان نازاربايەۆ ايتتى.

«سالىقتاردى جيناۋ مەحانيزمى تۇبەگەيلى وزگەرىسكە ۇشىرايدى. كۇردەلى ءارى تۇسىنىكسىز قوسىلعان قۇن سالىعىن قوسا العاندا ساتىلىمعا سالىق ەنگىزۋ ماسەلەسىن تىڭعىلىقتى زەردەلەۋ قاجەت. بۇگىندە بىزدە ق ق س- ءتى قايتارۋ بويىنشا بيزنەس پايدا بولىپ وتىر»، - دەدى ەلباسى.

ق ر پرەزيدەنتىنىڭ اتاپ وتۋىنشە، بۇگىندە قوسىلعان قۇن سالىعىن قايتارۋمەن اينالىساتىن ادامدار پايدا بولعان.

«ق ق س بىزدە بار بارلىق سالىقتاردان دا مول سالىققا اينالىپ وتىر. ياعني، ءسىز كۇردەلى ءارى تۇسىنىكسىز ق ق س- ءتىڭ ورنىنا ساتىلىم سالىعىن ەنگىزەتىن بولساق، وندا ءبىز ۇتىسقا شىعامىز»، - دەدى ن. نازاربايەۆ.

اۆتور: مارلان جيەمباي