ن. نازاربايەۆ: ە ا ە و اياسىندا ساۋدا ساياساتىن، كەدەندىك پروتسەدۋرالاردى اۋقىمدى رەفورمالاۋعا باستاماشىلىق جاساۋ قاجەت
بۇل تۋرالى بۇگىن اقوردادا ءوتىپ جاتقان ۇكىمەتتىڭ كەڭەيتىلگەن وتىرىسىندا ەلباسى نۇرسۇلتان نازاربايەۆ ايتتى.
«بيزنەستىڭ باسەكەگە قابىلەتتىلىگىن ارتتىرۋ كوپ جاعدايدا ءبىزدىڭ تاۋارلار مەن قىزمەتتەرىمىزدىڭ الەمدىك نارىققا شىعۋ مۇمكىندىگىمەن ايقىندالادى. ەۋرازيالىق ەكونوميكالىق وداق اياسىندا ساۋدا ساياساتىن، كەدەندىك پروتسەدۋرالاردى اۋقىمدى رەفورمالاۋعا باستاماشىلىق جاساۋ قاجەت. ءبىز كەدەندىك اكىمشىلەۋ تۋراسىندا بىرنەشە مارتە ايتتىق جانە بۇل ماسەلەدە كوپ جايتقا ۇلگەرگەنىمىز جوق»، - دەدى مەملەكەت باسشىسى.
وسى رەتتە ەلباسى تاۋارلار مەن قىزمەتتەردىڭ ەركىن ىلگەرىلەۋىنە بارىنشا جاعداي جاساۋ قاجەتتىگىن باسا ايتتى.
قازاقستان مەن قىتاي شەكاراسىندا جۇك پويىزدارىنىڭ توپتالىپ تۇرماي، شەكارادان تەزىرەك وتۋىنە مۇمكىندىك جاسالماي وتىرعانىن دا اتاپ ءوتتى.
«كەزەك بولعان جەردە جەمقورلىق تۋىندايدى. قانشاما ادامدى سوتتادىق، قانشاما ادامدى ۇستادىق. سوندا دا جونگە كەلەر ەمەس. ويتكەنى، تۇبەگەيلى ماسەلەلەردى شەشە المادىق»، - دەدى ق ر پرەزيدەنتى.
اۆتور: مارلان جيەمباي
