الەم كوشباسشىلارى ن. نازاربايەۆتى پرەزيدەنتتىك سايلاۋداعى جەڭىسىمەن قۇتتىقتادى
ولاردىڭ قاتارىندا - ب ۇ ۇ باس حاتشىسى، يتاليا پرەزيدەنتى، ليۋكسەمبۋرگ گەرتسوگتىگىنىڭ پرەمەر-ءمينيسترى، سينگاپۋر پرەزيدەنتى، تايلاند پرەمەر-ءمينيسترى، ليتۆا رەسپۋبليكاسىنىڭ پرەزيدەنتى، ۆەتنام پرەزيدەنتى، جاپونيا پرەمەر-ءمينيسترى، تۇركيانىڭ ەكس-پرەزيدەنتى ابدۋللاھ گۇل، يسپانيا كورولى VI فەليپە، كورەيا رەسپۋبليكاسىنىڭ پرەزيدەنتى پاك كىن حە، باحرەين كورولى شەيح حاماد بەن يسا ءال حاليفا، حورۆاتيا پرەزيدەنتى كوليندا گرابار- كيتاروۆيچ، كۋۆەيت مەملەكەتىنىڭ ءامىرى ساباح ءال- احماد ءال- دجابير ءاس- ساباح، چەرنوگوريا پرەزيدەنتى فيليپپ ۆۋيانوۆيچ، اۆستريا رەسپۋبليكاسىنىڭ فەدەرالدىق پرەزيدەنتى حاينتس فيشەر، لاوس حالىقتىق- دەموكراتيالىق رەسپۋبليكاسى پرەزيدەنتى تيۋممالي ساينياسون بار.
يتاليا پرەزيدەنتى سەردجيو ماتتارەللا يتاليا حالقىنىڭ جانە جەكە ءوزىنىڭ اتىنان نۇرسۇلتان نازاربايەۆتى جەڭىسىمەن قۇتتىقتادى.
«قازاقستان مەن يتاليا اراسىنداعى ءداستۇرلى ەنەرگەتيكا جانە باسقا دا سالالارداعى جەمىستى ىنتىماقتاستىعىمىزدىڭ باعىتى دۇرىس. قازاقستان ءسىزدىڭ باسشىلىعىڭىز ارقىلى ەۋروپالىق وداقپەن قارىم- قاتىناستارىن، سونداي- اق استانا مەن ريم اراسىنداعى بايلانىستاردى نىعايتۋدى جالعاستىراتىنىنا سەنەمىن»، - دەلىنگەن قۇتتىقتاۋدا.
يتاليا پرەزيدەنتى نۇرسۇلتان نازاربايەۆقا جانە بۇكىل ەلىمىزگە باق-بەرەكە تىلەدى.
ب ۇ ۇ باس حاتشىسى پان گي مۋن نۇرسۇلتان نازاربايەۆتىڭ قازاقستان رەسپۋبليكاسىنىڭ پرەزيدەنتى بولىپ سايلانۋىنا وراي قۇتتىقتاۋ جەدەلحاتىن جولدادى.
«قازاقستان مەن ب ۇ ۇ كوپتەگەن سالالاردا ءارتاراپتى جانە تىعىز قاتىناستار ورناتتى. ءبىزدىڭ قاتىناستارىمىز الداعى ۋاقىتتا دا قازاقستان حالقى مەن تۇتاستاي العاندا بۇكىل ايماق يگىلىگى ءۇشىن ودان ءارى دامي تۇسەدى دەپ سەنەمىن»، - دەلىنگەن جەدەلحاتتا.
ليۋكسەمبۋرگ پرەمەر- ءمينيسترى كساۆە بەتتەل ليۋكسەمبۋرگ ۇلى گەرتسوگتىگى ۇكىمەتىنىڭ جانە جەكە ءوزىنىڭ اتىنان نۇرسۇلتان نازاربايەۆتى پرەزيدەنتتىك سايلاۋداعى جەڭىسىمەن قۇتتىقتادى.
«ەلدەرىمىزدىڭ اراسىنداعى قارىم- قاتىناستاردى نىعايتۋ ماقساتىندا سىزبەن جانە ءسىزدىڭ ۇكىمەتپەن بىرلەسكەن جۇمىستى جالعاستىرا بەرەتىنىمە قۋانىشتىمىن. ءوزارا مۇددەلەستىك تانىتقان ەكىجاقتى ماسەلەلەردى مەنىڭ استاناعا مامىر ايىندا بولاتىن ساپارىم كەزىندە سىزبەن تالقىلاۋ مۇمكىندىگىن تاعاتسىزدانا كۇتۋدەمىن»، - دەلىنگەن جەدەلحاتتا.
ليۋكسەمبۋرگ پرەمەر- ءمينيسترى قازاقستان پرەزيدەنتىنە جاۋاپتى لاۋازىمداعى جۇمىسىنا تابىس تىلەدى.
سينگاپۋر رەسپۋبليكاسىنىڭ پرەزيدەنتى توني تان كەنگ ياما ەل حالقىنىڭ جانە جەكە ءوزىنىڭ اتىنان نۇرسۇلتان نازاربايەۆتى جەڭىسىمەن قۇتتىقتادى.
«سينگاپۋر مەن قازاقستان اراسىندا جاقسى دوستىق قارىم- قاتىناس ورناعان. ءسىزدىڭ باسشىلىعىڭىزبەن ەكىجاقتى ىنتىماقتاستىقتىڭ نىعايا بەرەتىنىنە سەنىمدىمىن. حالىقتارىمىزدىڭ يگىلىگى ءۇشىن ءوزارا ىقپالداستىقتى دامىتۋ ماقساتىندا بىرلەسىپ جۇمىس ىستەيمىز دەپ ۇمىتتەنەمىن»، - دەلىنگەن جەدەلحاتتا.
«سينگاپۋر مەن قازاقستان اراسىندا جاقسى دوستىق قارىم- قاتىناس ورناعان. ءسىزدىڭ باسشىلىعىڭىزبەن ەكىجاقتى ىنتىماقتاستىقتىڭ نىعايا بەرەتىنىنە سەنىمدىمىن. حالىقتارىمىزدىڭ يگىلىگى ءۇشىن ءوزارا ىقپالداستىقتى دامىتۋ ماقساتىندا بىرلەسىپ جۇمىس ىستەيمىز دەپ ۇمىتتەنەمىن»، - دەلىنگەن جەدەلحاتتا.
تايلاند پرەمەر- ءمينيسترى پرايۋت چان- وچا تايلاند حالقىنىڭ جانە جەكە ءوزىنىڭ اتىنان نۇرسۇلتان نازاربايەۆتىڭ قازاقستان رەسپۋبليكاسىنىڭ پرەزيدەنتى بولىپ سايلانۋىنا وراي قۇتتىقتاۋ جەدەلحاتىن جولدادى.
«ءسىزدىڭ مول تاجىريبەڭىز بەن ەلدى دانالىقپەن باسقارۋىڭىزدىڭ ارقاسىندا قازاقستان رەسپۋبليكاسى وڭىردە جانە حالىقارالىق ارەنادا بەلسەندى ءارى سىندارلى ءرول اتقارۋىن جالعاستىرا بەرەتىن بولادى. ەكى ەلدىڭ ىلگەرى دامۋى ءۇشىن ءبىزدىڭ ىنتىماقتاستىعىمىزدىڭ جالعاسۋىن جانە بارلىق سالاداعى قارىم- قاتىناستاردىڭ نىعايۋىن تاعاتسىزدانا كۇتەمىن» ، - دەلىنگەن جەدەلحاتتا.
ليتۆا رەسپۋبليكاسىنىڭ پرەزيدەنتى دالي گريباۋسكايتە نۇرسۇلتان نازاربايەۆتىڭ قازاقستان رەسپۋبليكاسىنىڭ پرەزيدەنتى بولىپ سايلانۋىنا وراي قۇتتىقتاۋ جەدەلحاتىن جولدادى.
«ليتۆا مەن قازاقستان اراسىنداعى دوستىق قاتىناس، سونداي- اق ەلدەرىمىزدىڭ وڭ باستامالارى ەكىجاقتى ىنتىماقتاستىقتى قارقىندى دامىتۋعا مۇمكىندىك بەرەدى. ءبىز تاياۋ بولاشاقتا ساۋدا، كولىك، مادەنيەت جانە عىلىم سالالارىنداعى ءوزارا ءتيىمدى جوبالاردى جانداندىرامىز دەپ ۇمىتتەنەمىن. ءبىزدىڭ بىرلەسكەن كۇش- جىگەرىمىز ەلدەرىمىزدىڭ يگىلىگىنە جۇمسالاتىن بولادى»، - دەلىنگەن قۇتتىقتاۋدا.
ليتۆا پرەزيدەنتى سونداي-اق نۇرسۇلتان نازاربايەۆتى جانە بارشا قازاقستان حالقىن قازاق حاندىعىنىڭ 550 جىلدىعى، كونستيتۋتسيانىڭ، قازاقستان حالقى اسسامبلەياسىنىڭ 20 جىلدىعى مەرەكەلەرىمەن قۇتتىقتاپ، رەسپۋبليكامىزعا باق- بەرەكە تىلەدى.
ۆەتنام پرەزيدەنتى چىونگ تان شانگ نۇرسۇلتان نازاربايەۆتى پرەزيدەنتتىك سايلاۋداعى جەڭىسىمەن قۇتتىقتادى.
«ءسىزدىڭ باسشىلىعىڭىزبەن «نۇرلى جول» ساياساتى تاياۋ ارادا جاڭا تابىستار اكەلەتىنىنە، ال قازاقستان ەلدى قالىپتاستىرۋ جانە دامىتۋ ىسىندەگى جەتىستىكتەرىن جالعاستىراتىنىنا نىق سەنىمدىمىن»، - دەلىنگەن جەدەلحاتتا.
ۆەتنام پرەزيدەنتى ەكى ەلدىڭ باسشىلارى مەن حالقىنىڭ كۇش- جىگەرىنىڭ ارقاسىندا مەملەكەتتەر اراسىنداعى ءوزارا قارىم- قاتىناس الداعى ۋاقىتتا دا قارقىندى ءارى ءتيىمدى دامي بەرەتىنىنە سەنىم بىلدىرگەن.
«قازاقستان مەن ۆەتنام اراسىنداعى ءداستۇرلى دوستىق قاتىناستار مەن كوپجاقتى ىنتىماقتاستىق كۇننەن كۇنگە دامىپ كەلە جاتقانىن قاناعاتتانۋشىلىقپەن اتاپ وتەمىن. ءسىزدىڭ - ۆەتنامعا، مەنىڭ قازاقستانعا ساپارىمنان كەيىن قارىم- قاتىناستار بۇرىنعىدان دا نىعايا ءتۇستى جانە ءقازىر ىنتىماقتاستىق تۋرالى ءبىرقاتار ماڭىزدى كەلىسىمدەر ەكى ەلدىڭ يگىلىگى ءۇشىن ءتيىمدى جۇزەگە اسىرىلۋدا» ، - دەلىنگەن قۇتتىقتاۋدا.
سوڭىندا چ. ت. شانگ نۇرسۇلتان نازاربايەۆقا مىقتى دەنساۋلىق جانە جاۋاپتى لاۋازىمداعى قىزمەتىنە زور تابىس تىلەدى.
جاپونيا پرەمەر-ءمينيسترى سيندزو ابە نۇرسۇلتان نازاربايەۆتىڭ قازاقستان رەسپۋبليكاسىنىڭ پرەزيدەنتى بولىپ سايلانۋىنا وراي قۇتتىقتاۋ جەدەلحاتىن جولدادى.
«قازاقستان مەن جاپونيا اراسىنداعى قارىم- قاتىناستار ساياسي عانا ەمەس، الەۋمەتتىك- ەكونوميكالىق سالادا دا دامىپ، بۇل ورايداعى ىنتىماقتاستىق جاڭا ساتىعا كوتەرىلدى. سونىمەن قاتار، ءبىز حالىقارالىق قوعامداستىق اياسىندا يادرولىق قارۋسىزدانۋ ماسەلەسىنە بايلانىستى ءبىر- ءبىرىمىزدى قولدايمىز. مەملەكەتتەرىمىزدى جاقىنداستىرۋ ماقساتىندا ىنتىماقتاستىقتى ودان ءارى جانداندىرىپ، قازاقستان مەن جاپونيانىڭ ەكىجاقتى قاتىناستارىن دامىتۋعا نيەتتى ەكەنىمدى بىلدىرەمىن»، - دەلىنگەن قۇتتىقتاۋدا.
سوڭىندا س. ابە مەملەكەت باسشىسىنا باقىت پەن تابىس، ال قازاقستان حالقىنا باق- بەرەكە تىلەدى.
تۇركيانىڭ ەكس-پرەزيدەنتى ابدۋللاھ گۇل ن. نازاربايەۆتىڭ ستراتەگيالىق مىندەتتەردى تابىستى جۇزەگە اسىرۋىنا تىلەكتەستىك ءبىلدىردى
تەلەفون ارقىلى سويلەسۋ بارىسىندا ا. گۇل ن. نازاربايەۆتى پرەزيدەنتتىك سايلاۋداعى تاريحي جەڭىسىمەن جانە قازاقستان پرەزيدەنتى لاۋازىمىنا رەسمي كىرىسۋىمەن قۇتتىقتادى.
ا. گۇل نۇرسۇلتان نازاربايەۆتىڭ قازاقستان- تۇركيا ستراتەگيالىق سەرىكتەستىگىن ودان ءارى تەرەڭدەتۋگە ۇمتىلىسىن تولىق قۇپتايتىنىن ايتتى. تۇركيانىڭ ەكس- پرەزيدەنتى ەلباسىنىڭ ەل دامۋىنىڭ جاڭا كەزەڭىندەگى ستراتەگيالىق مىندەتتەردى تابىستى جۇزەگە اسىرۋىنا تىلەكتەستىك ءبىلدىردى.
يسپانيا كورولى VI فەليپە نۇرسۇلتان نازاربايەۆتى پرەزيدەنتتىك سايلاۋداعى جەڭىسىمەن قۇتتىقتاپ، جەدەلحات جولدادى.
VI فەليپە نۇرسۇلتان نازاربايەۆتى پرەزيدەنتتىك سايلاۋداعى جەڭىسىمەن قۇتتىقتاپ، ەكى ەلدىڭ اراسىنداعى قارىم- قاتىناستاردى ودان ءارى دامىتۋ جانە نىعايتۋ ءۇشىن بيىك ماقساتتاردى ورىنداۋ جولىنداعى قىزمەتىنە تابىس تىلەدى.
كورەيا رەسپۋبليكاسىنىڭ پرەزيدەنتى پاك كىن حە ەلباسىنا قۇتتىقتاۋ جەدەلحاتىن جولدادى. پاك كىن حە نۇرسۇلتان نازاربايەۆتى پرەزيدەنتتىك سايلاۋداعى جەڭىسىمەن قۇتتىقتادى.
«مەن ءسىزدىڭ مەملەكەت باسشىسى لاۋازىمىندا بولعان كەزىڭىزدە قازاقستان رەسپۋبليكاسى ءوز دامۋى مەن وركەندەۋىن جالعاستىراتىنىنا، ال ەلدەرىمىزدىڭ اراسىنداعى ستراتەگيالىق سەرىكتەستىك ودان ءارى نىعايا بەرەتىنىنە سەنىمدىمىن. ءبىزدىڭ ەلدەرىمىزدىڭ ەكىجاقتى قارىم- قاتىناستارىن دامىتۋعا مۇددەلىلىك تانىتقانىڭىز ءۇشىن العىسىمدى قابىل الىڭىز» ، - دەلىنگەن جەدەلحاتتا.
كورەيا پرەزيدەنتى مەملەكەت باسشىسىنا مىقتى دەنساۋلىق پەن باقىت، ال قازاقستان حالقىنا باق- بەرەكە تىلەدى.
باحرەين كورولى شەيح حاماد بەن يسا ءال حاليفا تەلەفون ارقىلى سويلەسۋ بارىسىندا نۇرسۇلتان نازاربايەۆتى پرەزيدەنتتىك سايلاۋداعى ايقىن جەڭىسىمەن جانە مەملەكەت باسشىسى لاۋازىمىنا كىرىسۋىمەن قۇتتىقتاپ، بۇل قازاقستان حالقىنىڭ جوعارى سەنىمى مەن قولداۋىنىڭ ايقىن ايعاعى ەكەنىن اتاپ ءوتتى.
شەيح حاماد بەن يسا ءال حاليفا سەنىمدى ديالوگتى جانە ەكىجاقتى ىنتىماقتاستىقتىڭ بارلىق ماسەلەلەرى بويىنشا بىرلەسكەن جۇمىستى جالعاستىرۋعا دايىن ەكەنىن ايتتى.
حورۆاتيا پرەزيدەنتى كوليندا گرابار- كيتاروۆيچ نۇرسۇلتان نازاربايەۆتىڭ قازاقستان رەسپۋبليكاسىنىڭ پرەزيدەنتى بولىپ سايلانۋىنا وراي قۇتتىقتاۋ جەدەلحاتىن جولدادى.
كوليندا گرابار- كيتاروۆيچ حورۆات حالقىنىڭ جانە جەكە ءوزىنىڭ اتىنان نۇرسۇلتان نازاربايەۆتى پرەزيدەنتتىك سايلاۋداعى ايقىن جەڭىسىمەن قۇتتىقتادى.
«ءبىز بىرلەسكەن كۇش- جىگەر ارقىلى ەلدەرىمىزدىڭ دوستىق قاتىناستارىن بۇدان ءارى دە نىعايتىپ، دامىتا بەرەتىنىمىزگە سەنىمدىمىن»، - دەلىنگەن جەدەلحاتتا.
كۋۆەيت مەملەكەتىنىڭ ءامىرى ساباح ءال- احماد ءال- دجابير ءاس- ساباح نۇرسۇلتان نازاربايەۆتى پرەزيدەنتتىك سايلاۋداعى جەڭىسىمەن شىن جۇرەكتەن قۇتتىقتاپ، جەدەلحات جولدادى.
ساباح ءال- احماد ءال- دجابير ءاس- ساباح ەكى ەل قارىم- قاتىناستارىنىڭ دامۋ قارقىنى جاقسى ەكەنىن ايتا كەلە، ءتۇرلى سالالارداعى ىنتىماقتاستىقتى كەڭەيتۋ ەكى مەملەكەتتىڭ دە مۇددەسىنە ساي ەكەنىن اتاپ ءوتتى.
چەرنوگوريا پرەزيدەنتى فيليپپ ۆۋيانوۆيچ نۇرسۇلتان نازاربايەۆتى پرەزيدەنتتىك سايلاۋداعى جەڭىسىمەن قۇتتىقتاپ، جەدەلحات جولدادى.
چەرنوگوريا پرەزيدەنتى ەكى ەل قارىم- قاتىناسىنىڭ اياسى بىرتىندەپ كەڭەيىپ، دوستىق بايلانىستاردىڭ نىعايىپ كەلە جاتقانىن اتاپ وتكەن.
«ەلدەرىمىز اراسىنداعى ەكىجاقتى جانە كوپجاقتى ىنتىماقتاستىق جاندانا تۇسەدى دەپ ۇمىتتەنەمىن، سونداي- اق ورتاق ءىس- قيمىل اياسىن كەڭەيتۋگە باعىتتالعان باستامالاردى قولدايتىنىمدى بىلدىرەمىن»، - دەلىنگەن قۇتتىقتاۋدا.
سوڭىندا ف. ۆۋيانوۆيچ قازاقستان پرەزيدەنتىنە مىقتى دەنساۋلىق جانە تابىس تىلەدى.
اۆستريا رەسپۋبليكاسىنىڭ فەدەرالدىق پرەزيدەنتى حاينتس فيشەر نۇرسۇلتان نازاربايەۆتىڭ قازاقستان رەسپۋبليكاسىنىڭ پرەزيدەنتى بولىپ سايلانۋىنا وراي قۇتتىقتاۋ جەدەلحاتىن جولدادى.
حاينتس فيشەر نۇرسۇلتان نازاربايەۆتى پرەزيدەنتتىك سايلاۋداعى ايقىن جەڭىسىمەن قۇتتىقتاپ، جاۋاپتى مەملەكەتتىك قىزمەتىنە تابىس تىلەدى.
«قازاقستاننىڭ ەلدەگى ەكونوميكالىق جانە ساياسي تۇراقتىلىقتى قامتاماسىز ەتە وتىرىپ، دەموكراتيالىق رەفورمالاردى دا جۇزەگە اسىرۋدى جالعاستىرۋىن تىلەيمىن» - دەلىنگەن جەدەلحاتتا.
اۆستريا فەدەرالدىق پرەزيدەنتى مەملەكەت باسشىسىنا مىقتى دەنساۋلىق، ال قازاقستان حالقىنا باق- بەرەكە تىلەدى.
نۇرسۇلتان نازاربايەۆتىڭ قازاقستان رەسپۋبليكاسى پرەزيدەنتى بولىپ سايلانۋىنا بايلانىستى لاوس حالىقتىق- دەموكراتيالىق رەسپۋبليكاسى پرەزيدەنتى تيۋممالي ساينياسوننان قۇتتىقتاۋ جەدەلحاتى كەلىپ ءتۇستى.
ت. ساينياسون نۇرسۇلتان نازاربايەۆتى پرەزيدەنتتىك سايلاۋداعى جەڭىسىمەن شىن جۇرەكتەن قۇتتىقتادى.
«لاوس پەن قازاقستان اراسىنداعى دوستىق قارىم- قاتىناس جانە ىنتىماقتاستىق ءسىزدىڭ باسشىلىعىڭىزبەن حالىقتارىمىزدىڭ يگىلىگىنە، سونداي- اق بەيبىتشىلىكتى، تۇراقتىلىقتى، حالىقارالىق ءوزارا ءىس- قيمىلدى قامتاماسىز ەتۋگە باعىتتالادى دەپ ۇمىتتەنەمىن» ، - دەلىنگەن قۇتتىقتاۋدا.
لاوس پرەزيدەنتى مەملەكەت باسشىسىنا مىقتى دەنساۋلىق جانە جاۋاپتى قىزمەتىنە تابىس تىلەدى.
