ف. وللاند ق ر پرەزيدەنتىنە ەلدى جاڭعىرتۋ ىسىندە تابىستار تىلەدى
استانا. قازاقپارات - مەملەكەت باسشىسىنىڭ اتىنا ونىڭ قازاقستان رەسپۋبليكاسى پرەزيدەنتى بولىپ سايلانۋىنا بايلانىستى فرانسيا پرەزيدەنتى فرانسۋا وللاندتان قۇتتىقتاۋ جەدەلحاتى كەلىپ ءتۇستى.
بۇل تۋرالى اقوردانىڭ باسپا ءسوز قىزمەتىنەن حابارلاندى.
فرانسۋا وللاند نۇرسۇلتان نازاربايەۆتى پرەزيدەنتتىك سايلاۋداعى جەڭىسىمەن قۇتتىقتادى.
«مەن فرانسيا مەن قازاقستان اراسىنداعى قارىم- قاتىناستاردىڭ دەڭگەيى جوعارى ەكەنىن اتاپ وتكىم كەلەدى، بۇل مەنىڭ تاياۋدا ءسىزدىڭ ەلگە جاساعان ساپارىمدا ايقىن كورىندى»، - دەلىنگەن جەدەلحاتتا.
فرانسيا پرەزيدەنتى قازاقستانمەن ىنتىماقتاستىقتى ەكى ەلدىڭ يگىلىگى ءۇشىن ودان ءارى دامىتۋعا نيەتتى ەكەنىن ءبىلدىردى.
«ءسىزدىڭ تۇراقتىلىقتى جانە ورتالىق ازيا ەلدەرىمەن تاتۋ كورشىلىك قارىم- قاتىناستى قامتاماسىز ەتۋگە، سونداي- اق ءوڭىردىڭ الەۋمەتتىك- ەكونوميكالىق احۋالىن جاقسارتۋعا باعىتتالعان كۇش- جىگەرىڭىزدى فرانسيانىڭ قولدايتىنىنا سەندىرگىم كەلەدى»، - دەلىنگەن قۇتتىقتاۋدا.
ف. وللاند سونداي- اق قازاقستان پرەزيدەنتىنە ەلدى جاڭعىرتۋ جانە دەموكراتيالىق رەفورمالاردى جۇزەگە اسىرۋ ىسىندە تابىس تىلەدى.
