ە. توعجانوۆ ەلباسىنا وڭىرلەردەگى ەتنو مادەني بىرلەستىكتەردىڭ جۇمىسى تۋرالى باياندادى
استانا. قازاقپارات - ەلباسى قازاقستان حالقى اسسامبلەياسى ءتوراعاسىنىڭ ورىنباسارى - حاتشىلىق مەڭگەرۋشىسى ەرالى توعجانوۆتى قابىلدادى، دەپ حابارلايدى اقوردانىڭ باسپا ءسوز قىزمەتى.
ە. توعجانوۆ مەملەكەت باسشىسىنا قازاقستان حالقى اسسامبلەياسىنىڭ «ماڭگىلىك ەل: ءبىر ەل - ءبىر تاعدىر» تاقىرىبىمەن وتەتىن الداعىХХІІ سەسسياسىنا دايىندىق بارىسى تۋرالى باياندادى.
قازاقستان حالقى اسسامبلەياسى ءتوراعاسىنىڭ ورىنباسارى - حاتشىلىق مەڭگەرۋشىسى سونداي-اق ەتنوس ارالىق كەلىسىمنىڭ قازاقستاندىق ۇلگىسىن ىلگەرىلەتۋ جونىندەگى جۇمىستار مەن وڭىرلەردەگى دوستىق ۇيلەرىنىڭ، ەتنو مادەني بىرلەستىكتەردىڭ قىزمەتى تۋرالى ايتتى.
