16:56, 20 - ءساۋىر 2015 | GMT +5
ەلىمىزدە ەڭبەك ەتكىسى كەلەتىندەر ءۇشىن بارلىق جاعداي جاسالعان - ن. نازاربايەۆ
استانا. قازاقپارات - ەلباسى نۇرسۇلتان نازاربايەۆ الماتى وبلىسىنا ساپارىنىڭ قورىتىندىسى بويىنشا ب ا ق وكىلدەرى ءۇشىن بريفينگ وتكىزدى، دەپ حابارلايدى اقوردانىڭ باسپا ءسوز قىزمەتىنەن.
قازاقستان پرەزيدەنتى ەلدىڭ ورنىقتى دامۋى مەملەكەتتىك ساياساتتىڭ ارقاسىندا قامتاماسىز ەتىلىپ وتىرعانىن اتاپ ايتتى.
- ەڭبەك ەتكىسى كەلەتىندەر ءۇشىن قالادا دا، اۋىلدا دا بارلىق جاعداي جاسالعان. رەسپۋبليكانىڭ بارلىق وبلىس ورتالىقتارى تۇرلەنە ءتۇستى، اۋدان ورتالىقتارى جۇيەلى دامىپ كەلەدى. مەملەكەت اۋىل شارۋاشىلىعى سالاسىنا قوماقتى قاراجات بولۋدە. بۇل سالادا وندىرىلەتىن ءونىم كولەمىن ۇلعايتۋعا، سايكەسىنشە، اۋىل تۇرعىندارىنىڭ ءال- اۋقاتىن ارتتىرۋعا مۇمكىندىك بەرەدى، - دەدى مەملەكەت باسشىسى.
نۇرسۇلتان نازاربايەۆ «قازاقستان-2050» ستراتەگياسى مەن نەگىزگى مەملەكەتتىك باعدارلامالاردى جۇزەگە اسىرۋداعى ماقسات ەلىمىزدى الەمنىڭ دامىعان 30 مەملەكەتىنىڭ قاتارىنا قوسۋ ەكەنىن اتاپ ءوتتى.
سوڭىندا مەملەكەت باسشىسى وبلىس تۇرعىندارىنا ب ا ق-بەرەكە جانە تابىس تىلەدى.
