12:07, 18 - ءساۋىر 2015 | GMT +5
مەملەكەت باسشىسى الماتىدا جاڭا ونىمدەرمەن تانىستى
استانا. قازاقپارات - ەلباسى نۇرسۇلتان نازاربايەۆ الماتى قالاسىنا جۇمىس ساپارى بارىسىندا «Dostyk Plaza» ساۋدا-ساۋىق ورتالىعىنىڭ جاڭا عيماراتىن ارالاپ كوردى. سونداي-اق «Made in Kazakhstan» برەندىمەن وندىرىلگەن ونىمدەرمەن تانىسىپ، قازاقستاندىق تاۋارلار ساتىپ الدى.
بۇل تۋرالى اقوردانىڭ رەسمي سايتىندا حابارلاندى.
قازاقستان پرەزيدەنتىنە قالا بازارلارى مەن كولىك ينفراقۇرىلىمىن قايتا جوندەۋ بارىسى جانە جاڭا ساۋلەتكەرلىك جوبالار تۋرالى باياندالدى.
***
«Dostyk Plaza» ساۋدا-ساۋىق ورتالىعى 2014-جىلى اشىلعان. ءۇش قاباتتى كەشەن عيماراتىندا 174 دۇكەن، 18 ءدامحانا جانە مەيرامحانا، سونداي-اق 10 زالدان تۇراتىن كينوتەاتر بار.
