ن. نازاربايەۆ پەن ر. ەردوعان قوجا احمەت ياسساۋي اتىنداعى حالىقارالىق قازاق- تۇرىك ۋنيۆەرسيتەتىنە كەلدى

استانا. قازاقپارات - قازاقستان مەن تۇركيا پرەزيدەنتتەرى نۇرسۇلتان نازاربايەۆ پەن رەدجەپ تايىپ ەردوعان تۇركىستانداعى قوجا احمەت ياسساۋي اتىنداعى حالىقارالىق قازاق- تۇرىك ۋنيۆەرسيتەتىنە كەلدى.

بۇل تۋرالى اقوردانىڭ تۆيتتەردەگى پاراقشاسىندا حابارلاندى.

ۋنيۆەرسيتەت - ەڭ العاش اشىلعان حالىقارالىق جوعارى وقۋ ورنى جانە تۇركى تىلدەس مەملەكەتتەر اراسىندا حالىقارالىق مارتەبەگە يە بولعان جالعىز ءبىلىم- عىلىم ورداسى. مۇندا الەمنىڭ 32 ەلىنەن كەلگەن جاستار، ءبىلىم الۋدا.

1992 - جىلى 1 - مامىردا قازاقستان رەسپۋبليكاسى پرەزيدەنتى ن. ءا. نازاربايەۆ  پەن تۇركيا رەسپۋبليكاسى پرەمەر ءمينيسترى س. دەميرەل كەزدەسۋىندە تۇركىستان ۋنيۆەرسيتەتىنە «حالىقارالىق ۋنيۆەرسيتەت» مارتەبەسى بەرىلدى.

1992 - جىلعى 31 - قازاندا انكارادا قازاقستان رەسپۋبليكاسى مەن تۇركيا رەسپۋبليكاسى ۇكىمەتتەرى اراسىندا وسى وقۋ ورنىن «قوجا احمەت ياساۋي اتىنداعى حالىقارالىق قازاق- تۇرىك ۋنيۆەرسيتەتى ەتىپ قايتا قۇرۋ تۋرالى» كەلىسىمگە قول قويىلدى.

ۋنيۆەرسيتەتتە، قازىرگى تاڭدا بارلىعى 10 مىڭعا جۋىق ستۋدەنت قازاق، تۇرىك، ورىس جانە اعىلشىن تىلدەرىندە ءبىلىم الادى، 54 باكالاۆريات، 30 ماگيستراتۋرا جانە 11 دوكتورانتۋرا باعدارلامالارى بويىنشا جوعارى ءبىلىمدى كاسىبي ماماندار دايىندالادى. ۋنيۆەرسيتەتتە 22 ءبىلىم بەرۋ باعدارلاماسى بويىنشا قاشىقتىقتان ءبىلىم بەرۋ تەحنولوگياسى جۇزەگە اسىرىلادى. تۇركيانىڭ انكارا قالاسىندا ورنالاسقان قاشىقتىقتان ءبىلىم بەرۋ ورتالىعىندا تۇر ت ە پ باعدارلاماسى اياسىندا 11 ماماندىق بويىنشا 4 مىڭعا جۋىق ستۋدەنتتەر ءبىلىم الۋدا.

قوجا احمەت ياساۋي اتىنداعى حالىقارالىق قازاق- تۇرىك ۋنيۆەرسيتەتى قۇرامىنا 4 عىلىمي- زەرتتەۋ ورتالىعى: تۇركولوگيا عىلىمي- زەرتتەۋ ورتالىعى، ارحەولوگيا عىلىمي- زەرتتەۋ ورتالىعى، ەكولوگيا عىلىمي- زەرتتەۋ ورتالىعى جانە ەۋرازيا عىلىمي ينستيتۋتى، 7 عىلىمي- زەرتتەۋ لابوراتوريالارى مەن 70 عىلىمي- زەرتتەۋ توپتارى كىرەدى.