قازاقستان مەن تۇركيا باسشىلارى «جاڭا سينەرگيا» باعدارلاماسىن جۇزەگە اسىرۋدىڭ نەگىزگى باعىتتارىن قاراستىردى
بۇل تۋرالى اقوردانىڭ باسپا ءسوز قىزمەتىنەن حابارلادى.
ەكى ەل باسشىسىنىڭ قاتىسۋىمەن وتكەن وتىرىس بارىسىندا ءتۇرلى سالالارداعى ەكىجاقتى ىقپالداستىقتى نىعايتۋ ماسەلەلەرى، سونداي-اق «جاڭا سينەرگيا» بىرلەسكەن ەكونوميكالىق باعدارلاماسىن جۇزەگە اسىرۋدىڭ نەگىزگى باعىتتارى قاراستىرىلدى.
ن. نازاربايەۆ ر. ەردوعاننىڭ ەلىمىزگە ءار ساپارى ەكى ەلدىڭ قارىم-قاتىناستارىن نىعايتۋعا باعىتتالعان ەلەۋلى تابىستارعا تولى بولىپ كەلەتىنىن اتاپ ءوتتى.
«وسى جولعى ساپار دا قازاق-تۇرىك بايلانىستارىندا تەرەڭ ءىز قالدىرعانى داۋسىز. تۇركيا قازاقستاننىڭ ەڭ جاقىن ءارى سەنىمدى سەرىكتەستەرىنىڭ ءبىرى بولىپ سانالادى. ەلدەرىمىزدىڭ ورتاق تاريحقا، ءتىل مەن رۋحاني قازىناعا نەگىزدەلگەن قارىم-قاتىناسى جاقسى قارقىنىمەن ەرەكشەلەنەدى»، - دەدى مەملەكەت باسشىسى.
وتىرىسقا قاتىسۋشىلار ەكىجاقتى ىنتىماقتاستىقتىڭ الەۋەتى جوعارى ەكەنىن جانە ونى بولاشاعى بار باعىتتار بويىنشا بىرلەسكەن جوبالار ارقىلى جۇزەگە اسىرۋدىڭ ماڭىزدىلىعىن اتاپ ءوتتى.
