قازاقستاندا مۇناي ونىمدەرىن وتكىزۋدىڭ شەكتى باعالارىن ايقىنداۋ قاعيدالارى بەكىتىلدى

استانا. قازاقپارات - ق ر ەنەرگەتيكا ءمينيسترىنىڭ بۇيرىعىمەن باعالارىنا مەملەكەتتىك رەتتەۋ بەلگىلەنگەن مۇناي ونىمدەرىن بولشەك ساۋدا ارقىلى وتكىزۋدىڭ شەكتى باعالارىن ايقىنداۋ قاعيدالارى بەكىتىلدى.

«قازاقپارات» ح ا ا قۇجاتتىڭ ءماتىنىن جاريالايدى.

قازاقستان رەسپۋبليكاسى ەنەرگەتيكا مينيسترلىگىنىڭ بۇيرىعى 184№

2014-جىلعى 8- جەلتوقسان، استانا قالاسى

باعالارىنا مەملەكەتتىك رەتتەۋ بەلگىلەنگەن مۇناي ونىمدەرىن بولشەك ساۋدا ارقىلى وتكىزۋدىڭ شەكتى باعالارىن ايقىنداۋ قاعيدالارىن بەكىتۋ تۋرالى

«مۇناي ونىمدەرىنىڭ جەكەلەگەن تۇرلەرىن ءوندىرۋدى جانە ولاردىڭ اينالىمىن مەملەكەتتىك رەتتەۋ تۋرالى» قازاقستان رەسپۋبليكاسىنىڭ 2011-جىلعى 20- شىلدەدەگى زاڭىنىڭ 7-بابى 21-3) تارماقشاسىنا سايكەس بۇيىرامىن:

1. قوسا بەرىلىپ وتىرعان باعالارىنا مەملەكەتتىك رەتتەۋ بەلگىلەنگەن بولشەك ساۋدادا وتكىزىلەتىن مۇناي ونىمدەرىنە شەكتى باعانى ايقىنداۋ قاعيدالارى بەكىتىلسىن.

2. قازاقستان رەسپۋبليكاسى ەنەرگەتيكا مينيسترلىگىنىڭ مۇناي ونەركاسىبىن دامىتۋ دەپارتامەنتى: 1) قازاقستان رەسپۋبليكاسىنىڭ ادىلەت مينيسترلىگىندە وسى بۇيرىقتىڭ مەملەكەتتىك تىركەلۋىن؛ 2) وسى بۇيرىقتى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەنىنەن كەيىن كۇنتىزبەلىك ون كۇن ىشىندە بۇقارالىق اقپارات قۇرالدارىندا جانە «ادىلەت» اقپاراتتىق قۇقىقتىق جۇيەسىندە رەسمي جاريالاۋعا جولدانۋىن؛ 3) وسى بۇيرىقتىڭ قازاقستان رەسپۋبليكاسى ەنەرگەتيكا مينيسترلىگىنىڭ رەسمي ينتەرنەت- رەسۋرسىندا جانە مەملەكەتتىك ورگانداردىڭ ينترانەت- پورتالىندا ورنالاستىرۋىن قامتاماسىز ەتسىن.

3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى ەنەرگەتيكا مينيسترلىگىنىڭ جەتەكشىلىك ەتەتىن ۆيتسە-مينيسترىنە جۇكتەلسىن.

4. وسى بۇيرىق ونىڭ العاش رەسمي جاريالانعان كۇنىنەن باستاپ قولدانىسقا ەنگىزىلەدى.

مينيستر ۆ. شكولنيك.