ن. نازاربايەۆ «توتال» كومپانياسىنىڭ پرەزيدەنتىمەن ىنتىماقتاستىقتى نىعايتۋ ماسەلەلەرىن تالقىلادى
بۇل تۋرالى اقوردانىڭ باسپا ءسوز قىزمەتىنەن حابارلادى.
كەزدەسۋ بارىسىندا ىنتىماقتاستىقتى نىعايتۋ ماسەلەلەرى، سونداي-اق الداعى كەزەڭگە ارنالعان جوسپارلار تالقىلاندى.
ەلباسى «توتال» كومپانياسى ەلىمىزدە 1993-جىلدان باستاپ جۇمىس ىستەيتىنىنە، ءىرى جوبالاردى جۇزەگە اسىرۋعا قاتىسىپ كەلە جاتقانىنا توقتالدى.
«الدىمىزدا زور مىندەتتەر تۇر، سونىڭ باستىلارىنىڭ ءبىرى قاشاعان كەنىشىن جانە كومپانيا جۇمىس ىستەيتىن باسقا دا بلوكتاردى يگەرۋ بولىپ وتىر. قازاقستاندا «توتال» كومپانياسىنىڭ قاتىسۋىمەن دانەكەرلەۋ ينستيتۋتى جۇمىس ىستەيدى، كۇن ەنەرگەتيكاسى سالاسىنداعى جوبالار جۇزەگە اسىرىلۋدا. ءبىز دوستىق قارىم-قاتىناستار مەن بارلىق باعىتتار بويىنشا ىنتىماقتاستىق ءداستۇرىن جالعاستىراتىن بولامىز»، - دەدى نۇرسۇلتان نازاربايەۆ.
«توتال» كومپانياسىنىڭ پرەزيدەنتى شەتەلدىك ينۆەستورلار ءۇشىن قولايلى اۋحالدىڭ ساقتالۋىنىڭ ماڭىزدىلىعىن ايتا كەلىپ، ىنتىماقتاستىق بۇدان ءارى دامي بەرەدى دەپ ۇمىتتەنەتىنىن ءبىلدىردى.
