قازاقستانداعى جەڭىل اۆتوكولىكتەردىڭ سانى بەلگىلى بولدى

استانا. قازاقپارات - 2015 -جىلعى 1 -ناۋرىزداعى جاعداي بويىنشا جەڭىل اۆتوكولىكتىڭ قولدا بار سانى 4 249,5 مىڭ بىرلىكتى قۇرادى.

بۇل تۋرالى ق ر ۇلتتىق ەكونوميكا مينيسترلىگىنىڭ ستاتيستيكا كوميتەتىنەن حابارلاندى.

 «جالپى 2015 -جىلعى قاڭتار- اقپاندا رەسپۋبليكامىزدا 156 مىڭ 519 جەڭىل اۆتوموبيل تىركەلگەن. بۇل وتكەن جىلعى ءتيىستى كەزەڭمەن سالىستىرعاندا 94,5 پايىزعا جوعارى»، - دەلىنگەن باسپا ءسوز بايانىندا.

سونىمەن قاتار، كوميتەتتىڭ دەرەكتەرىنە قاراعاندا، 2015 -جىلدىڭ قاڭتار- اقپان ايلارىندا تىركەلگەن جەڭىل اۆتوكولىكتەردىڭ ەڭ كوبى - الماتى قالاسىنا تيەسىلى - 18 مىڭ 188 بىرلىك. ودان كەيىنگى ورىنداردا وڭتۇستىك قازاقستان وبلىسى - 17 مىڭ 326، الماتى وبلىسى - 15 مىڭ 978 جانە استانا قالاسى - 13 مىڭ 176 بىرلىكتى قۇراپ وتىر.

اۆتور: قانات مامەتقازى ۇلى