بيىل ن. نازاربايەۆ يران مەملەكەتىنە جۇمىس ساپارىمەن بارادى
«كەزدەسۋ بارىسىندا نەگىزگى نازار ساۋدا-ەكونوميكالىق قارىم-قاتىناستارعا بەرىلدى. ءبىز بۇل ىقپالداستىقتىڭ بولاشاق الەۋەتى ودان زور ەكەنىن تۇسىنەمىز. يران پرەزيدەنتى رۋحاني مىرزا قازاقستانعا ساپارى بارىسىندا بۇل ساۋدا-ەكونوميكالىق بايلانىستاردىڭ ماڭىزدىلىعىن ەرەكشە اتاپ وتكەن بولاتىن. بىزدە بۇل سالادا ۇكىمەتارالىق كوميسسيا بار. ىسكەرلىك كەڭەسى دە قۇرىلىپ، ءوز جۇمىسىن باستاعانىن دا ايتا كەتۋ كەرەك. قازاقستان پرەزيدەنتى نۇرسۇلتان نازاربايەۆتىڭ بيىل وتەتىن يران يسلام رەسپۋبليكاسىنا ساپارى جايىندا دا ءبىراز ماسەلەلەردى انىقتاپ الدىق. ول ساپاردان بۇرىن ءبىز يران مەن قازاقستاننىڭ ساۋدا-ەكونوميكالىق، مادەنيەت جانە عىلىم جونىندەگى ۇكىمەتارالىق كوميسسياسىنىڭ وتىرىسىن وتكىزۋدى جوسپارلاۋدامىز. سونىمەن قاتار ىسكەرلىك كەڭەسىنىڭ وتىرىسىن دا ۇيىمداستىرامىز. ىسكەرلىك كەڭەس وتىرىسى يراندا، ۇكىمەتارالىق كوميسسيا وتىرىسى قازاقستاندا وتەدى»، - دەپ اتاپ ءوتتى ە. ىدىرىسوۆ.
مينيسترلەردىڭ كەزدەسۋى بارىسىندا، كولىكتىك-ينفراقۇرىلىمدىق سالاداعى بىرلەسكەن ىقپالداستىق تا تالقىلاندى.
«جول كارتاسى-2020» باعدارلاماسىنىڭ اياسىندا بۇل بلوك وتە ماڭىزدى ءبىز ءۇشىن. بىلتىر «قازاقستان-تۇركىمەنستان-يران» تەمىرجول جەلىسى اشىلعان بولاتىن. بۇل مارشرۋت جاڭا مۇمكىندىكتەر بەرەدى. وسى باعىتتىڭ تولىق جۇمىس ىستەپ كەتۋىنە قاتىستى ناقتى ماسەلەلەر تالقىلاندى. تەحنيكالىق اسپەكتىلەر بار، تاريفتەردى ءبىر ىزدەندىرۋ جانە جۇك اعىمىن قامتاماسىز ەتۋ ماسەلەلەرى الدىمىزدا تۇر»، - دەدى مينيستر.
ايتا كەتەيىك، يران يسلام رەسپۋبليكاسىنىڭ سىرتقى ىستەر ءمينيسترى موحامماد دجاۆاد زاريف قازاقستانعا جۇمىس ساپارىمەن كەلگەن بولاتىن.
اۆتور: جاسۇلان جولدىبايەۆ
