مەن جاس ازاماتتارىمىز تاۋەلسىزدىك مۇراتىنا ادال بولاتىنىنا سەنىمدىمىن - ن. نازاربايەۆ

بۇل تۋرالى اقوردانىڭ باسپا ءسوز قىزمەتىنەن حابارلادى.
فورۋمعا قازاقستاننىڭ بۇكىل وڭىرىنەن 2000 نان استام ادام قاتىستى، ولاردىڭ قاتارىندا «جاس وتان» جاستار قاناتىنىڭ بەلسەندىلەرى، ءماسليحاتتاردىڭ جاس دەپۋتاتتارى، كاسىپكەرلەر، عالىمدار، تانىمال سپورتشىلار جانە جاستاردىڭ ىرگەلى ۇيىمدارىنىڭ كوشباسشىلارى بار.
مەملەكەت باسشىسى ءوز سوزىندە ەلىمىزدىڭ تاۋەلسىزدىك جىلدارى قول جەتكەن جەتىستىكتەرىنە، قازاقستاننىڭ ودان ءارى دامۋى، بىرلىگى جانە ازاماتتارىنىڭ باقۋاتتىلىعى ءۇشىن سول تابىستارىمىزدىڭ باياندى ەتە ءتۇسۋدىڭ ماڭىزدىلىعىنا نازار اۋداردى.
نۇرسۇلتان نازاربايەۆ جاس ۇرپاقتىڭ ەل تاريحىن ءبىلۋى، ءداستۇردى جانە قوعام قۇندىلىقتارىن ساقتاۋى ەرەكشە مانگە يە ەكەنىن ايتتى.
قازاقستان پرەزيدەنتى سونداي- اق وتاندىق ەكونوميكاعا ىقپال ەتەتىن ءبىرقاتار جاعداياتتارعا دا توقتالدى. كليمات، جەر شالعايلىعى، تەڭىزگە شىعۋ جولىنىڭ جوقتىعى، تاريحي جانە مادەني مۇرالار وسى قاتاردا اتالدى.
مەملەكەت باسشىسى بۇگىندە بارلىق قازاقستاندىقتاردى جاسامپاز ەڭبەك، تاتۋلىق پەن كەلىسىم، حالىق بىرلىگى، وتان ءۇشىن ماقتانىش، ونىڭ ۇلى تاعدىرىنا ءوز قاتىستىلىعىن سەزىنۋ سياقتى ورتاق قۇندىلىقتار بىرىكتىرەتىنىن اتاپ ءوتتى.
- مەن بۇگىندە پاتريوتتاردىڭ جاڭا بۋىنى ءوسىپ، ەرجەتىپ كەلە جاتقانىن كورىپ وتىرمىن. سەندەر قازىرگى زامانعى قازاقستاننىڭ يدەالدارىمەن تاربيەلەندىڭدەر. ءوز ەڭبەكتەرىڭمەن، بىلىمگە جانە ناقتى ىستەرگە دەگەن ۇمتىلىستارىڭمەن ماڭگىلىك ەلىمىزدىڭ مەرەيىن اسىرىپ جۇرسىڭدەر. مەن جاس ازاماتتارىمىز تاۋەلسىزدىك مۇراتىنا ادال بولاتىنىنا، تابىستار ەستافەتاسىن جالعاستىراتىنىنا سەنىمدىمىن، - دەدى نۇرسۇلتان نازاربايەۆ.
سوڭىندا قازاقستان پرەزيدەنتى بارشاعا دەنساۋلىق، تابىس جانە باق- بەرەكە تىلەدى.
ءىس- شارا بارىسىندا «نۇر وتان» پارتياسىنىڭ «جاس وتان» جاستار قاناتىنىڭ ءتوراعاسى ن. سىدىقوۆ، اقتاۋ قالاسى ستۋدەنتتەرى اليانسىنىڭ اتقارۋشى ديرەكتورى گ. بۇرحاندينوۆا، «بولاشاق» پرەزيدەنتتىك باعدارلاماسىنىڭ تۇلەگى ا. سۇلەيمەنوۆ، «يۋگ تسەمەنت ستروي» ج ش س مەحانيكالىق ءبولىمىنىڭ اۋىسىم باستىعى ە. تۇرارقۇلوۆ، «اگروفيرما «پاراسات» ج ش س ديرەكتورىنىڭ ورىنباسارى ك. ەلكين، ءانشى- اكتەر ج. دوعالوۆا، مانەرلەپ سىرعاناۋدان ءتورت قۇرلىقتىڭ چەمپيونى د. تەن، قازاق گۋمانيتارلىق زاڭ ۋنيۆەرسيتەتىنىڭ ستۋدەنتى ۆ. ۆولوشينا جانە «جاسىل ەل» جاستار ەڭبەك وتريادىنىڭ شىعىس قازاقستان وبلىسىنداعى شتابىنىڭ باسشىسى ق. قاسەنوۆ ءسوز سويلەدى.
ءىس- شارا قورىتىندىسى نەگىزىندە «ەلباسىمەن بىرگە - جاڭا جەڭىستەرگە!» جاستار فورۋمىنا قاتىسۋشىلار قازاقستان جاستارىنا ارنالعان ۇندەۋ قابىلدادى.