ن. نازاربايەۆ تاريحتاعى قاتەلىكتەردى قايتالاماۋعا شاقىردى

استانا. قازاقپارات - بابالاردىڭ ارمانى مەن بۇگىنگى ەلىمىز بەن ۇرپاقتىڭ بيىك ماقساتتارى بارلىعى ۇندەسىپ جاتىر.

بۇگىن استاناداعى تاۋەلسىزدىك سارايىندا «ەلباسىمەن بىرگە - جاڭا جەڭىستەرگە!» جاستار فورۋمىندا مەملەكەت باسشىسى نۇرسۇلتان نازاربايەۆ وسىلاي ءمالىم ەتتى.

«بىرلىگى بار قازاقتى ەشكىم جەڭە الماعان، جەڭسە تەك قانا ءبىر-بىرىنە قازاقتى ايداپ سالىپ السىرەتىپ، سودان كەيىن العان. رەسەيدىڭ ءبىزدى بوداندىق جاساعانىنىڭ ەڭ نەگىزگى ماسەلەسى سول بولدى. بۇل تاريحتىڭ بىزگە بەرگەن تاعىلىمىن ەش ۋاقىتتا ۇمىتپاۋىمىز كەرەك. مەن ەلىمىزدىڭ ماڭگىلىك تەمىرقازىعى بولاتىن يدەيا توڭىرەگىندە ازاتتىقتىڭ العاشقى كۇندەرىنەن باستاپ تولعاندىم. نەشە عاسىر وتسە دە ەسكىرمەيتىن، ماڭگىلىك بولاشاقپەن ساباقتاساتىن يدەيا بولۋى قاجەت ەدى»، - دەپ توقتالعان پرەزيدەنت، وسى ورايدا اتا- بابالارىمىزدىڭ ەلىمىزدى ماڭگىلىك ەتۋ ويى بۇگىنگە دەيىن جەتكەندىگىن، وسىناۋ ماعىنادا بارلىق ماقسات قامتىلعانىن اتاپ ءوتتى.

«بابالاردىڭ ارمانىمەن بۇگىنگى ەلىمىز بەن ۇرپاقتىڭ بيىك ماقساتتارى ۇندەسىپ جاتىر. قازاقستاننىڭ ۇلتتىق يدەياسى - ماڭگىلىك ەل وسىدان تۋىنداعان يدەيا. بابالارىمىز تاسقا باسقان وسيەتتەرىن ىسكە اسىرىپ، ماڭگىلىك ەل بولۋعا بەت بۇردىق. ۇلتتىق يدەيانى ىسكە اسىرۋعا بەلسەنە اتسالىساتىن سىزدەر، جاستار، ۇرپاقتىڭ العاشقى لەگى بولاسىزدار»، - دەدى ەلباسى.

اۆتور: رۋسلان عابباسوۆ