ەلباسى «نۇرلى جول» ينفراقۇرىلىمدى دامىتۋدىڭ مەملەكەتتىك باعدارلاماسىن بەكىتتى
«نۇرلى جول» ينفراقۇرىلىمدى دامىتۋدىڭ 2015-2019 -جىلدارعا ارنالعان مەملەكەتتىك باعدارلاماسىن بەكىتۋ جانە «مەملەكەتتىك باعدارلامالار تىزبەسىن بەكىتۋ تۋرالى» قازاقستان رەسپۋبليكاسى پرەزيدەنتىنىڭ 2010 -جىلعى 19 -ناۋرىزداعى № 957 -جارلىعىنا تولىقتىرۋ ەنگىزۋ تۋرالى
قاۋلى ەتەمىن:
1. «نۇرلى جول» ينفراقۇرىلىمدى دامىتۋدىڭ 2015 - 2019 -جىلدارعا ارنالعان مەملەكەتتىك باعدارلاماسى (بۇدان ءارى - باعدارلاما) بەكىتىلسىن.
2. قازاقستان رەسپۋبليكاسىنىڭ ۇكىمەتى:
1) ءبىر اي مەرزىمدە قازاقستان رەسپۋبليكاسىۇكىمەتىنىڭ باعدارلامانى ىسكە اسىرۋ جونىندەگى ءىس- شارالار جوسپارىن ازىرلەسىن جانە بەكىتسىن؛
2) «قازاقستان رەسپۋبليكاسىنداعى مەملەكەتتىك جوسپارلاۋ جۇيەسىنىڭ ودان ءارى جۇمىس ىستەۋىنىڭ كەيبىر ماسەلەلەرى تۋرالى» قازاقستان رەسپۋبليكاسى پرەزيدەنتىنىڭ 2010 -جىلعى 4 -ناۋرىزداعى № 931 -جارلىعىندا بەلگىلەنگەن مەرزىمدە جانە تارتىپپەن باعدارلامانى مونيتورينگتەۋ جانە باعالاۋ ناتيجەلەرىن قازاقستان رەسپۋبليكاسى پرەزيدەنتىنىڭ اكىمشىلىگىنە ۇسىنسىن.
3. ورتالىق جانە جەرگىلىكتى اتقارۋشى ورگاندار، سونداي-اق قازاقستان رەسپۋبليكاسىنىڭ پرەزيدەنتىنە تىكەلەي باعىناتىن جانە ەسەپ بەرەتىن مەملەكەتتىك ورگاندار باعدارلامانى ىسكە اسىرۋ جونىندە شارالار قابىلداسىن.
4. «مەملەكەتتىك باعدارلامالار تىزبەسىن بەكىتۋ تۋرالى» قازاقستان رەسپۋبليكاسى پرەزيدەنتىنىڭ 2010 -جىلعى 19 -ناۋرىزداعى № 957 -جارلىعىنا (قازاقستان رەسپۋبليكاسىنىڭ پ ءۇ ا ج- ى، 2010 ج. , № 25-26, 185-قۇجات) مىناداي تولىقتىرۋ ەنگىزىلسىن:
جوعارىدا اتالعان جارلىقپەن بەكىتىلگەن مەملەكەتتىك باعدارلامالار تىزبەسى مىناداي مازمۇنداعى رەتتىك ءنومىرى 12-جولمەن تولىقتىرىلسىن:
«12. «نۇرلى جول» ينفراقۇرىلىمدى دامىتۋدىڭ 2015-2019 -جىلدارعا ارنالعان مەملەكەتتىك باعدارلاماسى»
قازاقستان رەسپۋبليكاسى ۇلتتىق ەكونوميكا مينيسترلىگى
2015- جىلعى 2 -ناۋرىزعا دەيىن 2015 - 2019 -جىلدار 2015 -جىلعى 12 -ناۋرىزعا دەيىن».
5. وسى جارلىقتىڭ ورىندالۋىن باقىلاۋ قازاقستان رەسپۋبليكاسى پرەزيدەنتىنىڭ اكىمشىلىگىنە جۇكتەلسىن.
6. وسى جارلىق قول قويىلعان كۇنىنەن باستاپ قولدانىسقا ەنگىزىلەدى.
قازاقستان رەسپۋبليكاسىنىڭ پرەزيدەنتى ن. نازاربايەۆ
استانا، اقوردا، 2015 -جىلعى 6 -ءساۋىر № 1030
«نۇرلى جول» ينفراقۇرىلىمدى دامىتۋدىڭ 2015 - 2019 -جىلدارعا ارنالعان مەملەكەتتىك باعدارلاماسىن بەكىتۋ جانە «مەملەكەتتىك باعدارلامالار تىزبەسىن بەكىتۋ تۋرالى» قازاقستان رەسپۋبليكاسى پرەزيدەنتىنىڭ 2010 -جىلعى 19 -ناۋرىزداعى № 957 -جارلىعىنا تولىقتىرۋ ەنگىزۋ تۋرالى» قازاقستان رەسپۋبليكاسى پرەزيدەنتىنىڭ 2015 -جىلعى 6 -ساۋىردەگى № 1030 جارلىعىنا
تۇسىنىكتەمە
مەملەكەت باسشىسىنىڭ 2015 -جىلعى 6 -ساۋىردەگى №1030 جارلىعىمەن «نۇرلى جول» ينفراقۇرىلىمدى دامىتۋدىڭ 2015 - 2019 -جىلدارعا ارنالعان مەملەكەتتىك باعدارلاماسى (بۇدان ءارى - باعدارلاما) بەكىتىلدى.
باعدارلاما ەلدىڭ ماكرووڭىرلەرىن بىرىكتىرۋ جانە حاب قاعيداتى بويىنشا ءبىرىڭعاي نارىقتى قالىپتاستىرۋعا نەگىزدەلگەن جاڭا ەكونوميكالىق ساياساتتى ىسكە اسىرۋعا باعىتتالعان.
باعدارلامانىڭ نەگىزگى مىندەتتەرى:
«شۇعىلا» قاعيداتى بويىنشا ءتيىمدى كولىكتىك- لوگيستيكالىق ينفراقۇرىلىمدى قۇرۋ؛
يندۋستريالىق جانە تۋريستىك ينفراقۇرىلىمداردى دامىتۋ؛
ءبىرىڭعاي ەلەكتر ەنەرگەتيكاسى جۇيەسىن دامىتۋ شەڭبەرىندە ەنەرگەتيكالىق ينفراقۇرىلىمدى نىعايتۋ؛
تۇرعىن ءۇي- كوممۋنالدىق شارۋاشىلىق ينفراقۇرىلىمىن جانە جىلۋمەن، سۋمەن جابدىقتاۋ جانە سۋ بۇرۋ جەلىلەرىن جاڭعىرتۋ (رەكونسترۋكتسيالاۋ جانە سالۋ) ؛
ازاماتتاردىڭ تۇرعىن ۇيگە قولجەتىمدىلىگىن ارتتىرۋ؛
ءبىلىم بەرۋ سالاسىنىڭ ينفراقۇرىلىمىن دامىتۋ بولىپ تابىلادى.
اعىمداعى ەكونوميكالىق جاعدايدى ەسكەرە وتىرىپ، باعدارلامادا وڭدەۋ ونەركاسىبى سالالارىنىڭ جەكەلەگەن سەكتورلارىن، اوك، ەكسپورتتاۋشىلاردى قولداۋدىڭ داعدارىسقا قارسى شارالارى، سونداي- اق ىشكى نارىقتى قورعاۋ جانە گەولوگيالىق بارلاۋدى جانداندىرۋ بويىنشا شارالار كوزدەلگەن.
باعدارلامانى ىسكە اسىرۋ 2020 -جىلعا دەيىن مىناداي ناتيجەلەرگە قول جەتكىزۋگە مۇمكىندىك بەرەدى:
2014 -جىلمەن سالىستىرعاندا جالپى ىشكى ءونىمنىڭ ءوسىمىن %15,7 قامتاماسىز ەتۋ؛
395,5 مىڭ جۇمىس ورنىن اشۋعا، ونىڭ ىشىندە:
تۇراقتى - 86,9 مىڭ ادام؛
ۋاقىتشا - 308,6 مىڭ ادام؛
دۇنيەجۇزىلىك ەكونوميكالىق فورۋم رەيتينگىندەگى «بازالىق ينفراقۇرىلىمنىڭ ساپاسى» كورسەتكىشىن 57-ورىنعا دەيىن كوتەرۋ.
تۇتاستاي العاندا، باعدارلاما قىسقا مەرزىمدى دە، سونداي- اق ۇزاق مەرزىمدى دە پەرسپەكتيۆادا ەكونوميكانىڭ وسۋىنە جاعداي جاساپ، قازىرگى بار جۇمىس ورىندارىن ساقتاۋعا جانە جاڭا جۇمىس ورىندارىن اشۋدى قامتاماسىز ەتەدى، ىسكەرلىك بەلسەندىلىكتى، ونىمدىلىكتى جانە ەلدىڭ ترانزيتتىك الەۋەتىن ارتتىرادى.
قازاقستان رەسپۋبليكاسى پرەزيدەنتى اكىمشىلىگىنىڭ
ستراتەگيالىق ازىرلەمەلەر جانە تالداۋ ورتالىعى
