ەلباسى ش ق و- عا جۇمىس ساپارى اياسىندا وبلىستىق جاڭا دراما تەاترىن ارالاپ كوردى
بۇل تۋرالى اقوردانىڭ باسپا ءسوز قىزمەتىنەن حابارلادى.
ەلباسى تەاتردا شىعارماشىل زيالى قاۋىم جانە وبلىستىڭ ەتنو- مادەني بىرلەستىكتەرى وكىلدەرىمەن كەزدەستى.
قازاقستان پرەزيدەنتى جينالعانداردى جاڭا تەاتردىڭ اشىلۋىمەن قۇتتىقتاپ، ەلدىڭ بەرەكە- بىرلىگى ءۇشىن قوعامدى رۋحاني جانە مادەني دامىتۋدىڭ ماڭىزدىلىعىن اتاپ ءوتتى.
- بۇل - مادەنيەتتىڭ تاماشا جاڭا ورداسى. تەاتر 600 ورىنعا لايىقتالعان، دايىندىق زالدارى، كىشى زالى بار. قازاق جانە ورىس ترۋپپالارىنىڭ ويداعىداي جۇمىس ىستەۋى ءۇشىن بارلىق جاعداي جاسالعان. وسكەمەندىكتەر وسى زالدا اكتەرلەردىڭ تاريحىمىز بەن قازىرگىمىزدى ايشىقتايتىن كەرەمەت ويىنىن كورەتىنىنە سەنىمدىمىن، - دەدى مەملەكەت باسشىسى.
نۇرسۇلتان نازاربايەۆ قازاقستاننىڭ مادەني ءومىرىن نىعايتۋداعى ەكونوميكالىق باقۋاتتىلىقتىڭ ايرىقشا ءرولىن اتاپ ءوتتى.
- مادەنيەت دامۋى ءۇشىن ەكونوميكانى كوتەرۋ قاجەت. ادامنىڭ تەاترعا بارۋدى قالاۋى تىنىش ءومىر ءسۇرىپ، تۇراقتى تابىس تاپقان كەزدە عانا پايدا بولادى. قازاقستاندا بۇگىندە ءۇش وپەرا جانە بالەت تەاترى، ال وبلىستاردا 50 شاقتى تەاتر جۇمىس ىستەيدى. مۇنىڭ ءبارى مادەني- رۋحاني ءومىردىڭ دە ەكونوميكاداعىداي قارقىنمەن دامۋى ءۇشىن قاجەت، - دەدى قازاقستان پرەزيدەنتى.
مەملەكەت باسشىسى قازاقستاننىڭ مادەنيەت پەن ونەر سالاسىندا قول جەتكىزگەن جەتىستىكتەرى ەلدىڭ جۇيەلى ەكونوميكالىق دامۋى ارقاسىندا مۇمكىن بولعانىنا نازار اۋداردى.
- تاۋەلسىزدىك جىلدارى ءبىز جاڭا قازاقستاندى قالىپتاستىردىق، جاڭا ۇرپاق تاربيەلەدىك، ەكونوميكانى ەسەلەدىك، حالىقتىڭ تابىسىن ۇلعايتتىق. ءبىز ۇلكەن ەكى داعدارىستى ەڭسەردىك. بيىل 20 جىلدىعىن اتاپ وتەتىن قازاقستان حالقى اسسامبلەياسى الەمنىڭ كوپتەگەن ەلدەرىنە ۇلگى بولدى. رەسپۋبليكامىز اۋقىمدى حالىقارالىق شارالار وتەتىن ورىنعا اينالدى. وسىنىڭ بارىنە بىرلىك پەن تۇراقتىلىقتىڭ ارقاسىندا قول جەتتى. مۇنى ەڭ باستى بايلىعىمىز رەتىندە ساقتاۋ كەرەك، - دەدى نۇرسۇلتان نازاربايەۆ.
سوڭىندا قازاقستان پرەزيدەنتى بارشاعا زور دەنساۋلىق، تاتۋلىق جانە تابىس تىلەدى.
ءىس- شارا بارىسىندا سونداي- اق تەاتر اكتەرلەرى ونەر كورسەتىپ، كونسەرت ءوتتى.
