ورالدا رەسەيلىك تاراپپەن ەۋرازيالىق عىلىمي ىقپالداستىق باعىتىنداعى كەلىسىم جاسالدى

None
None
ورال. قازاقپارات - م. وتەمىسوۆ اتىنداعى باتىس قازاقستان مەملەكەتتىك ۋنيۆەرسيتەتىندە قازاقستان مەن رەسەي عالىمدارىنىڭ قاتىسۋىمەن وتكەن «قازاقستان ەۋرازيالىق ىقپالداستىق جوباسىندا» اتتى دوڭگەلەك ۇستەل بارىسىندا «ەۋرازيا ىقپالداستىعىنىڭ ۇدەرىستەرى مەن بولاشاعى» عىلىمي- زەرتتەۋ كونسورتسيۋمىنىڭ قۇرىلعانى جاريا ەتىلدى.

كەلىسىم م. وتەمىسوۆ اتىنداعى ب ق م ۋ- دىڭ قازاقستان حالقى اسسامبلەياسى كافەدراسى مەن رەسەي فەدەراتسياسى ساراتوۆ قالاسى «ەۆرازيا - پوۆولجە» اقپاراتتىق- تالداۋ ورتالىعى اراسىندا جاسالدى. كەلىسىمگە قول قويۋ كەزىندە تاراپتار اتالعان عىلىمي كونسورتسيۋمنىڭ ەۋرازيالىق ىقپالداستىققا ءوز ۇلەسىن قوسا الاتىنىن اتاپ كورسەتتى.

قازاقستان حالقى ب ق و اسسامبلەياسى ءتوراعاسىنىڭ ورىنباسارى عايسا قاپاقوۆتىڭ ايتۋىنشا، مۇنداي كونسورتسيۋمنىڭ ەۋرازيا ىقپالداستىعى ماسەلەلەرىن زەرتتەۋدەگى ماڭىزى زور.

دوڭگەلەك ۇستەل وتىرىسىندا ەۋرازيالىق ىقپالداستىق ماسەلەلەرى مەن بولاشاعى جونىندە عالىمدار بايانداما جاساپ، پىكىر الماستى.

اۆتور: ەلجان ەرالى

سوڭعى جاڭالىقتار